
Komîsyona Astengdaran a HDP’ê astengdaran vexwend têkoşînê 

2018-05-14 15:09:29


	ÎZMÎR – Komîsyona Astengdaran a HDP’ê bi boneya Hefteya Astengdaran daxuyanî da û banga têkoşîna nav refên HDP’ê li astengdaran kir.&nbsp;

	Komîsyona Astengdaran a Partiya Demokratîk a Gelan (HDP) bi boneya Hefteya Astengdaran a di navbera 10-16’ê Gulanê de pêk bê li avahiya HDP’a Îzmîrê civîna çapameniyê li dar xist. Endamê Meclîsa HDP’ê yê ji çavê xwe astengdar Zuhtu Turgut daxuyanî da.

	&nbsp;

	Turgut diyar kir ku AKP’ê 10-16’ê Gulanê wek “Hefteya Seqetan” îlan kiriye û li ser bertekan wek “Hefteya Astengdaran” hatiye sererastkirin û di nav civakê de herî zêde astengdar tên eciqandin û astengdaran ji nedîtî ve tên.&nbsp;

	&nbsp;

	‘ASTENGDARAN WEK DEPOYA DENGAN BIKAR TÎNE’&nbsp;

	&nbsp;

	Turgut anî ziman ku HDP girîngiyê dide kesên astengdar û kesan wek kirde tev li civakê dike. Turgut da zanîn ku desthilatdariya siyasî wek li her qadê astengdaran jî îstîsmar dike û hikumeta AKP’ê astengdaran wek depoya dengan dibîne. Turgut banga têkoşîna nav HDP’ê li astengdaran kir û xwest hemû astengdar di refên HDP’ê de têkoşînê bike.&nbsp;

	&nbsp;

	&nbsp;

	&nbsp;