
HDP danezana xwe ya hilbijartinê aşkere kir: Tu dikarî

2018-05-14 11:28:51


	ENQERE – HDP danezana hilbijartina Serkomariyê û parlamenteriyê bi raya giştî re aşkere kir.&nbsp;

	Di hilbijartina 24’ê Hezîranê ya zordest de “partiya kilîd” Partiya Demokratîk a Gelan (HDP) têkildarî hilbijartina serokomariyê û parlamenteriyê danezana xwe li Otela Hîltona a Enqereyê bi civînek berfireh bi raya giştî re aşkere dike.&nbsp;

	&nbsp;

	Sloganên sereke yên rojeva civînê diyar dikin ên mîna “Tu dikarî”, “Bi jinan dê bê guhertin”, “Bi ciwanan dê bê guhertin”, “Mirovekî Baş Demîrtaş”, “Em li vir in dikarin” û “Dengek ji bo Demîrtaş û dengek ji bo HDP’ê” li salona civînê hatin daliqandin.&nbsp;

	&nbsp;

	Hevserokên Giştî yên HDP’ê Pervîn Buldan û Sezaî Temellî, parlamenterên HDP’ê û rêveber û endamên HDP’ê tev li civînê bûn.&nbsp;

	&nbsp;

	NÛNERÊN HEMÛ BEŞÊN CIVAKÊ LI CIVÎNÊ NE&nbsp;

	&nbsp;

	Pêkhateyên HDP’ê Berdevka HDK’ê Gulîstan Koçyigît, Hevserokê KCD’ê Berdan Ozturk, Serokê Giştî yê Partiya Şoreşger Musa Pîroglu, Hevseroka SYKP’ê Tulay Hatîmoglulari, Berdevka SKM û endamê MYK’a ESP’ê Beycan Taşkiran, Alîkara Hevserokên Giştî yên DBP’ê Hacer Ozdemîr, Hevserokên Partiya Siberoja Çep û Kesk Nacî Sonmez û Eylem Tuncaelî, Ji SODAP’ê Kezan Konukçu, endam û rêveberên EMEP, EHP, HTKP, Malên &nbsp;Gel, Federasyona Meclîsên Sosyalîst, Partîzan, Kaldiraç, DSÎP, TOZ, ji partiyên kurd Serokê Giştî yê OSP’ê Sînan Çîftyurek, Hevserokê Giştî yê ÎHD’ê Ozturk Turkdogan, ji akademisyen, rewşenbîr û nivîskaran Îsmaîl Beşîkçî, Fîkret Başkaya, Baskin Oran û Ayşen Uysal û gelek nav û navdarên din beşdarî civînê bûn.&nbsp;

	&nbsp;

	Bernamzetên HDP’ê yên wekîliyê jî beşdarî civînê bûn.&nbsp;

	&nbsp;

	NAVÊ SIYASETMEDARÊN GIRTÎ HAT XWENDIN&nbsp;

	&nbsp;

	Civîna aşkerekirina danezanê bi pêşandana sînevizyona ji dîmenên berê yên namzetê Serokomariyê yê HDP’ê Selahattîn Demîrtaş pêk tên dest pê kir. Pişt re navê 11 wekîlên HDP’ê yên girtî û siyasetmedarên kurd ên girtî hat xwendin. Dema nav hatin xwendin dengê çepikan salonê hilweşand.&nbsp;

	&nbsp;

	Civîn xwendina danezan û daxuyaniya Buldan û Temellî didome.&nbsp;