
Denîz Yusuf û Huseyîn hatin bibîranîn: 46 salin ala têkoşîna sosyalizmê nin 

2018-05-06 16:59:10


	&nbsp;

	NAVENDA NÛÇEYAN - Rêveber û nûnerên rexistinên civakî û sosyalîst, di 46'emîn salvegera darvekirina Denîz Gezmîş, Yusuf Aslan û Huseyin Înan ên di 6'ê Gulana 1972'an de hatin darvekirin, li ser gora wan a Enqereyê û gelek bajaren din, bernameyên bîranînê pêk anîn. Seroka &nbsp;Giştî ya EMEP'ê Selma Garkan, di bîranîna li ser gora wan a Enqereyê de diyar kir ku Denîz, Yusuf û Huseyîn 46 salin li dijî emperyalizmê bûne ala têsoşîna sosyalizmê."&nbsp;

	&nbsp;

	Pêşengên tevgera 68'an Denîz Gezmiş, Yusuf Aslan û Huseyîn Înan ên di 6'ê Gulana 1972'an de li Enqereyê hatin darvekirin, di serî le li ser gorên wan ên Enqere û gelek bajarên din hatin bibîr anîn. Di bîranînan de Seroka EMEP'ê Selma Gurkan, Parlamenterê HDP'ê Ertugrul Kurkçu û gelek nûnerên partiyên siyasî û rêxistinên civakî tiv li bernameyên bîranînê bûn.&nbsp;

	&nbsp;

	ENQERE

	&nbsp;

	Dedîz, Yusuf û Huseyîn li ser goristana Karşiyaka ya Enqereyê ji aliyê nûnerên rêxistinên ciwanan, partiyen siyasî, nûnerên rêxistinên civakî û gelek beşên din ve hatin bibîr anîn. Li ser bîranîna "Sê Şitl"an li ser gorên wan kom bûn û dirûşmeyên “Yusuf, Huseyin, Deniz, tekoşîna we didome û dê bidome", “Hevkar û Emperyalistno, Fîloya 6'emîn ji bîr nekin" û “Dê ciwan bên, dê sosyalizm bê." berz kirin. Li ser gorê rêz hat girtin û sirûda Enternasyonal hat xwendin. Liser navê komê Hevberdevka Platforma Şaxan a KESK'ê ya Enqereyê Sultan Saygili li vir axaftin kir û wiha got: "Em pêşengên şoreşa Tirkiye silav dikin. Çîna emperyalist kapitalist li cîhanê de di serî de li dijî çîna karkeran li dijî hemû mirovahiyê koletî û dagirkeriyê ferz dike. Li Tirkiye gelên kurd, tirk, êzîdî û ereb êşê dijîn. Gel rastî komkujiyan tên. Ev di bin berpirsiyariya Erdogan û AKP'ê de pêk tê. Em têkoşîna li dijî emperyalizmê silav dikin."

	&nbsp;

	EW BÛN ALA SOSYALÎZMÊ

	&nbsp;

	Seroka &nbsp;Giştî ya EMEP'ê Selma Garkan jî, di bîranîna li ser gora wan a Enqereyê de diyar kir ku Denîz, Yusuf û Huseyîn 46 salin li dijî emperyalizmê bûne ala têsoşîna sosyalizmê. Ew 46 salin li dijî emperyalizmê bûn ala aştî, serxwebûn û sosyalîzmê. Bûn sembola rizgariya neteweyî." Piştî axaftinê qurnefil danîn ser gora wan û belav bû.&nbsp;

	&nbsp;

	MÊRSÎN&nbsp;

	&nbsp;

	Şaxa Komeleya 68’an a Mêrsînê, li Navçeya Toroslarê li Daristana Bîranînê ya Aştî û Xwişk û Biratiyê ya 68’an bernameya bîranînê pêk anîn. Di bernameya bîranîna Denîz Gezmiş, Yusuf Aslan û Huseyin Înan de Parlamenterê HDP'ê yê Îzmirê Ertugrul Kurkçu, Parlamenterê CHP'ê yê Mêrsîne Aytug Atici û Serdal Kuyucuoglu, Endamê MYK'ê yê EMEP'ê Levent Tuzel, Serokê Cemxaneya Mersinê Hasan Kilavuz û gelek kesên din tev li bernameyê bûn.&nbsp;

	&nbsp;

	Serokê Komeleya 68'an Dogan Goksel, diyar kir ku bi hezaran dil ji bo 3 şitlan hildibin û wiha got: "Wan ji ber ku biratiya gelê kurd û tirk paratin sûcdar hatin dîtin û darvekirin. Parlamenterê HDP'ê Ertuğrul Kurkçu diyar kir ku bi xêra wan bûne heviya gelên kurd û tirk ên Tirkiye."&nbsp;

	&nbsp;

	Ji bo bîranîna 3 şitlan li Kolana Hunerê ya Akdeniza Mêrsînê jî stran hatin strînk.&nbsp;

	&nbsp;

	STENBOL&nbsp;

	&nbsp;

	Komeleya Ciwanên Şoreşger, Ciwanên EHP'ê, Muxalefeta Ciwanan, Komîteya Ciwanan, bi heman armancê li Stata Arena ya Vodafonê kom bûn û heta 6’emîn Filoya DYA'yê meşiyan. Ciwanan di çalakiyê de pankarta “Ji 68’an heta îro tekoşîn" vekirin û meşiyan. Ciwanan dîsa wêneyên Gezmiş, Aslan û İnan rakirin. Bê navber dirûşmeyên “Mahir, Hüseyin, Ulaş heta rizgariyê şer bikin", “Soza me ya Denîzan dê berdewam bike" û “Bijî şoreş bijî sosyalîsm" berz kirin. Ciwan piştî meşê rêz girtin û sirûda Dev-Gençê xwendin.&nbsp;

	&nbsp;

	LI EDENE Û &nbsp;ANTALYA &nbsp;JÎ HATIN BIBÎRANÎN&nbsp;

	&nbsp;

	&nbsp;Tevgera ciwanan û nûnerên partiyên siyasî bi heman armancê li Parka Ataturk ya Edeneyê û li avahiya EMEP'ê ya Antalyayê çalakiyê biranînê pêk anîn.&nbsp;

	&nbsp;