
Girtiyê nexweş Ayik di girtîgehê de binçav kirin

2018-05-05 10:13:48


	ANTALYA – Xebatkarê Kovara Ozgur Halkê û nexweşê pençeşêra Kolonê Devrîm Ayik ê dadgehê biryara berdawan wî da, berî ji Girtîgeha Tîpa L a Antalyayê derkeve hat binçavkirin. Hat diyar kirin ku derbarê Ayik de biryara girtinê heye.&nbsp;

	Girtiyê nexweşîna pençeşêra Kolonê û xebatkarê Kovara Ozgur Halkê Devrîm Ayik, di danişîna 04’ê Gulanê de ji ber tenduristiya wî bi şertê hepsa malê hat berdan. Ayik gava ji Girtîgeha Tîpa L a Antalyayê dihat berdan, ji aliyê cendirmeyan ve hat binçavkirin. Ayik ê ji 3’yê Cotmeha 2015’an ve girtîbû, di çarçoveya lêpirsînek ji aliyê Dozgerê Komarê yê Antalyayê vê hatî destpêkirin, cardin hat binçavkirin.&nbsp;

	&nbsp;

	GAVA DI GIRTÎGEHÊ DE BÛ, WEKE ‘FÎRAR’ QEYD KIRIBÛN

	&nbsp;

	Hat diyar kirin ku derbarê Ayik de bi îdîaya “Beşdarî çalakiya bê destûr bûye” û “Propagandeya rêxistinê kirin” lêpirsîn hatiye destpêkirin û nehat zanîn ku ev lêpirsîn di kîjan salê de vebûye. Ayik gava di girtîgehê de bû weke ‘Fîrar’ derbasî qeydên lêpirsînê kiribûn. &nbsp;Hat destnîşan kirin ku Ayik ê birin Qereqola Cendirmeyan a Doşemealti dê derxin Edliya Antalyayê. &nbsp;&nbsp;

	&nbsp;

	BI ZANEBÛN VÊ YEKÊ &nbsp;DIKIN!&nbsp;

	&nbsp;

	Dayîk Hulya Ayik a agahiya berdana kurê xwe bihîst û çû ber Girtîgeha Tîpa L a Antalyayê, diyar kir ku kurê wê 3 salin di girtîgehê deye û wiha got: “Tu hinceta carekedin kurê min bigirin tuneye. Bi zanebûn wiha dikin. Ev polîtîkayeke bi zanebûne. Ev pêkanîn teqez nayên qebûl kirin û li hemberî vê bi bertekim.”

	&nbsp;