
Hewldana Demokrasiyê ya Kocaeliyê: Em enerjiya xwe li dijî îktîdarê bikin yek 

2018-05-05 09:09:01


	KOCAELÎ – Berdevkê Hewldana Demokrasiyê ya Kocaeliyê Alî Bûgdaci hilbijartina zordest a 24’ê Hezîranê nirxand. Bûgdaci diyar kir ku ew ê di hilbijartinê de piştevaniya HDP’ê bikin û got: “Li hemberî îktîdarê divê em hemû enerjiya xwe bikin yek. Em ê namzetên dest bi xwîn hilnebijêrin.”&nbsp;

	Hewldana Demokrasiyê ya Kocaeliyê, hilbijartina zordest a 24’ê Hezîranê nirxand. Berdevkê Hewldana Demokrasiyê Alî Bûgdaci diyar kir ku AKP bi ketiye nav panîkê û berê xwe daye hilbijartinê. Bûgdaci destnîşan kir ku sedema sereke ya hilbijartinê ew e ku îktîdara AKP’ê hem di warê navnetewî û hem jî li Tirkiyeyê di qada siyasî û aborî de tengijiye û dê ev îktîdar nikaribe salekê jî welat bi rê ve bibe. Bûgdaci got: “Operasyona Efrînê bi awayekî berovajî li wan vegeriya. Pêla netewperstiyê ya ku tê xwestin berbelav bibe bêçaretiya îktîdarê nîşan dide. Ya girîng ew e ku dê li hemberî vê hêzên demokrasiyê çi bikin. Cara ewil e ku li siyaset ssîrayetî hemû gelên Tirkiyeyê dike. Siyasîbûn li dor Beştepe û TBMM’ê zêde bû. Divê hêzên demokrasiyê ji vê yekî dûr bikevin û vegerin kuçe û kolanan. Pir aşkere ye ku hilbijartina di şertên Rewşa Awarte de derhiqûqî ye. Nêvengeke ku dê çewisandin zêdebin û deng bên dizîn heye. Lê ji bo siberojê hêviyên me hene.”&nbsp;

	&nbsp;

	‘DIVÊ EM LI DOR DEMÎRTAŞ &nbsp;BIBIN YEK’&nbsp;

	&nbsp;

	Bûgdaci diyar kir ku divê tevgerên çepgir ên Tirkiyeyê di hilbijartinê de bibin yek û got: “Tenê navek heye ku bibe dengê bindestan û soyaslîstan, ew jî Demîrtaş e. Bêyî hincet divê em li dor Demîrtaş bibin yek û li kuçeyan dengê xwe ragihînin. Partiyên bûrjûvayê û partiyên sosyal demokrat xwe ji kurdan, ji HDP’ê dûr dixin. Divê hemû derdorên hilbijartinê zanibin ku ev noqteyeke derbasbûyînê ye û divê em bi vê baweriyê tev bigerin.”&nbsp;

	&nbsp;

	‘EM NAMZETÊN DESTBIXWÎN HILNEBIJÊRIN’&nbsp;

	&nbsp;

	Bûgdaci diyar kir ku divê bi HDP’a ku Demîrtaş wekî namzet nîşan daye wekî coşa 7’ê Hezîranê coşeke din xwe bide der û got: “Divê em bi coşeke mezin dakevin kuçeyan û bi ser bikevin.” Bûgdaci diyar kir ku kesên doza demokrasiyê dikin ji milkê dil deyndarê Demîrtaş û HDP’ê ne û got: “Pêdivî bi nêvengeke gengeşiyê tune ye. Li hemberî îktîdarê divê em hemû enerjiya xwe bikin yek. Tu hêz nikare li ber enerjiya me xwe ragire. Em ê namzetên dest bixwîn hilnebijêrin. Em hêzên Demokrasiyê em ê li gel parêzvanê demokrasiyê Demîrtaş bin.”&nbsp;

	&nbsp;

	MA / Elif Çetiner

	&nbsp;