
Di bombebarana Bamernê de kesek hat qetilkirin

2023-12-05 15:34:07


	NAVENDA NÛÇEYAN - Di bombebarana ya Tirkiyeyê de li bajarokê Bamernê yê Dihokê de, kesek jiyana xwe ji dest da.&nbsp;

	&nbsp;

	Balafirên Tirkiyeyê îro serê sibê li bajarokê Bamernê ya Dihokê bombebaran kirin. Di encama êrişê de welatiyek jiyana xwe ji dest da û kesek jî jî windaye.

	&nbsp;

	Îro serê sibê balafirên şer yên Tirkiyeyê li bajarokê Bamernê yê Dihokê bombebaran kirin. Li gorî agahiyên nûçeya Rojnews'ê &nbsp;di encama êrişê de welatiyê bi navê Elî Cemîl (34) ê ji eşîra Gulye, jiyana xwe ji dest da û welatiyê bi navê Metîn Sidiq Elî (24) jî ku li ber sewalanên xwe bû û karê şivantiyê dikir, birîndar bûye. Herwiha tê gotin welatiyek jî piştî êrişê winda bûye û heya niha aqûbeta wî nayê zanîn.

	&nbsp;

	Hate zanîn ku welatiyê bi navê Elî Cemîl ê di bombebaranê de jiyana xwe ji dest daye, ji bajarokê Batufa yê Dihokê ye.

	&nbsp;