Serlêdana parêzerên Ocalan hat redkirin 

2018-05-01 20:29:23


	 

	STENBOL- Serdozgeriya Komarê ya Bûrsayê serlêdana 751'emîn a parêzerên Rêberê PKK'ê Abdullah Ocalan ku ji bo pê re hevdîtinê çêbikin pêk anîbûn red kir. 

	 

	Parêzerên Rêberê PKK'ê Abdullah Ocalan Rezan Sarica, Cengîz Yureklî û Sînan Zîncîr ji bo bi muwekîlê xwe re hevdîtinê çêbikin duh serî li Serdozgeriya Komarê ya Bûrsayê dabûn. Lê belê serdozgeriyê serlêdana 751'emîn a parêzerên Ocalan red kir. 

	 

	 

	Ji 27'ê Tîrmeha 2011'an ve parêzeran 751 car serî li dozgeriyê daye lê belê hemû serlêdanên wan bi hinceta "Nebaşiya rewşa hewayê", "Koster xerabe ye" û "Rewşa Awarte" hatin redkirin.