Polîsan xwest pankarta 'Ji rojnamegeran re azadî' asteng bike

2018-05-01 14:06:50


	 

	STENBOL - Rojnamegerên li derve yên xwestin tev li mîtînga 1'ê Gulanê bibin û balê bikişînin ser rojnamegerên girtî bi pankarta "Ji Rojnamegeran re Azadî" tev li meşê bûn. Lê polîsan xwest destûr nedin pankartê têxin hundir. Rojnamegeran piştî niqaşê pankart xistin qadê. 

	 

	 

	Mîtînga karkeran a 1'ê Gulanê Roja Karkerên Cîhanê li Qada Maltepe bi tevlêbûna sed hezaran bi rêzgirtinê dest pê kir. Ji 2 milan ve girse meşiya qada mîtîngê beşdarî mîtîngê bûn. Rojnamegerên li derve jî di korteja Sendîkaya Rojnamegên Tirkiye (TGS), DİSK Basın-Îş û Înîsiyatifa Rojnamegerên Liderve tev li meşê bûn û pankarta "Ji Rojnamegeran re Azadî" vekirin û meşiyan. Nûçegîhanê rojnameya Cumhuriyetê Ahmet Şik û di heman kortejê de cih girt. Di meşê de polîsan xwest pankarta "Ji rojnamegeran re azadî" desteser bike. Pankarta ku Rojnameger Ertugrul Mavioglu, Ahmet Şik, Elif Ilgaz û Serokê DÎSK Basın-Îşê Faruk Eren bilind kiribûn, rastî astengiya polîsan hat. Piştî niqaşa nîv saetê rojnameger bi pankartê ketin qadê.