
'Heke dewlet bixwaze dikare bûyera Elçî ronî bike’ 

2018-04-27 15:12:52


	AMED – Serokê Înîsiyatîfa Maf Arîf Koçer di çalakiya Tahîr Elçî de axivî û got: “Rêxistina em jê re dibêjin dewlet heke bixwaze û vîna siyasî li pişt bisekine, dê kujerên Tahîr Elçî bên dîtin û hesab bê pirsîn.”&nbsp;

	Baroya Amedê ji bo kujerên Serokê Baroya Amedê yê berê Tahîr Elçî yê li ber Minareya Çar Ling a Sûrê hat kuştin bên dîtin û dosyeya dozê bi bandor bê birêvebirin, di hefteya 124’emîn çalakî li dar xist. Gelek parêzer bi cubeyên beşdarî çalakiyê bûn û endam û rêveberên Înîsiyatîfa Maf jî piştevaniyê dan çalakiyê. Pankarta “Em te ji bîr nakin” a wêneyê Elçî li ser hat hildan. Serokê Baroya Amedê Ahmet Ozmen got ku ew nedîtina faîlên Tahîr Elçî şermezar dikin û banga edaletê û dîtina faîlan kir.

	&nbsp;

	'GULEYA WINDA DIVÊ BÊ LÊKOLÎNKIRIN’&nbsp;

	&nbsp;

	Serokê Giştî yê Înîsiyatîfa Maf Arîf Koçer jî axivî û got: “Tahîr Elçî di dilê her kesî de parêzvanek cih girtiye. Ev du sal û nîv di ser kuştina wî de derbas bû lê hêj kujer nehatine dîtin û tu pêşketinek di dosyeyê de nîne. Rêxistina em jê re dibêjin dewlet heke bixwaze û vîna siyasî li pişt bisekine, dê kujerên Tahîr Elçî bên dîtin û hesab bê pirsîn. Divê guleya windayî bê lêkolînkirin. Em ê şopandina doza Tahîr Elçî dewam bikin.”&nbsp;

	&nbsp;

	Daxuyanî bi çalakiya rûniştinê ya 5 deqîqeyan bi dawî bû.&nbsp;

	&nbsp;