
Girtiyê ku cezayê wî nehat erêkirin xistin hucreyê 

2018-04-19 09:16:10


	AMED - Îsmet Kasrak ku di Girtîgeha Erzinganê de ye, got ji ber cezayekî nehatiye tesdîqkirin hatiye derbkirin û ew xistine hucreyê.&nbsp;

	Îsmet Kasrak ku di Girtîgeha Tîpa T a Erzinganê de ye, di hevdîtina bi telefonê ya bi malbata xwe re, anî ziman ku ew hatiye derbkirin û wî xistine hucreyê. Kasrakê ku roja yekşemê li malbata xwe geriya, diyar kir ku bi awayekî kêfî cezayê hucreyê lê hatiye birîn û ji ber cezayekî nehatiye tesdîqkirin xwestine wî têxin hucreyê. Kasrak, bi lêv kir ku ji ber ew li dijî pêkanînên kêfî derketiye, hatiye derbkirin û wî ji qawîşê girtine û xistine hucreyê. Kasrak, got ji wê rojê ve ew di hucreyê de ye. Kasrak, diyar kir ku li Girtîgeha Erzinganê binpêkirinên mafan ddidomin.

	&nbsp;

	Li ser vê yekê malbat serî li Komeleya Mafê Mirovan a Riha û Erziromê da û destnîşan kir ku ji ber rewşa tenduristiyê ya Kasrak ew endîşedar in.&nbsp;