
Wêneyê tundiya polîsan: Bijîşk rapora ‘serêşê’ da 

2023-05-29 15:20:27


	&nbsp;

	COLEMÊRG - Mustafa Bor ê ku li Geverê di serdegirtina malan de ji aliyê polîsan ve bi awayekî tund hate derbkirin, li nexweşxaneya ku ji bo kontrola tenduristiyê birinê rapora “serêşê” jê re hate dayîn.

	&nbsp;

	Di serdegirtinên malan ên serê sibê li navçeya Gever a Colemêrgê hatin kirin de ciwanên bi navê Demhat Kûrt, Diyar Şedal, Rahmî Terzîoglû, Îsa Terzîoglû, Aras Yaşar, Ûgûr Şedal û Mûstafa Bor hatin binçavkirin. Polîsên ku di serdegirtinên malan de derî û şibak şikandin tundî li ciwanan kirin. Polîsan bi qontaxa çekê, bi pêhn û kulman ciwan birîndar kirin. Ciwanên ku hatin binçavkirin ewilî birin Nexweşxaneya Dewletê ya Geverê pişt re birin miduriyeta polîsan.&nbsp;

	&nbsp;

	WÊNEYÊN TUNDIYÊ &nbsp;

	&nbsp;

	Kirariyên ciwanan ên li miduriyeta polîsan didomin. Wêneyên têkildarî tundiya yek ji ciwanên bi awayekî tund hate derb kirin Mûstafa Bor derketin holê. Di wêneyan de tê dîtin ku serê Bor şikestiye, li gelek cihên laşê wî xwîn jê hatine û reş û şîn bûne.&nbsp;

	&nbsp;

	RAPORA ‘SERÊŞÊ’&nbsp;

	&nbsp;

	Hate îdiakirin ku tevî şopên tundiyê jî li nexweşxaneya ku Bor birinê tenê bi “gazina serêşê” raporek jê re hatiye nivîsîn.&nbsp;

	&nbsp;

	Parêzer Eren Baskin têkildarî bûyerê li ser hesaba xwe ya medyaya dîjîtal ev peyam parve kir: “Rapora ‘şopa lêdanê nîne’ dan Mûstafa yê birin Nexweşxaneya Dewletê ya Geverê. Bi zexta parêzerên me careke din birin nexweşxaneyê. Hemû şopên îşkenceyê hatin qeydkirin. Em ji bo kirariyên îfadeyan disekinin.”

	&nbsp;

	&nbsp;

	&nbsp;