
Zarokên Nisêbînê dîsa nehatin berdan 

2018-04-10 17:36:21


	MÊRDÎN – Di qedexeya derketina derve ya Nisêbînê de 17 zarokên hatibûn tahliyekirin û pişt re hatibûn girtin, dîsa nehatin berdan û doza wan taloq bû.&nbsp;

	Li navçeya Nisêbînê ya Mêrdînê di qedexeya derketina derve de 17 zarok di 26’ê gulana 2016’an de hatibûn tahliyekirin û girtin. Duyemîn danişîna doza der barê 17 zarokan de li 4’emîn Dadgeha Cezayê Giran a Mêrdînê hat dîtin. Danişîn li Salona Saziya Ewlehiya Civakî (SGK) pêk hat. Di danişîna ewil de zarokên nexwestin bi riya SEGBÎS’ê îfade nedabûn, vê carê îfade dan.&nbsp;

	&nbsp;

	Malbatên zarokan û rojnamegeran bernedan salona danişînê. Zarokên îfade dan diyar kirin ku dema ew li navçeyê hatin tahliyekirin îşkence li wan hatiye kirin. Zarokan behsa îşkenceyê kirin.

	&nbsp;&nbsp;

	Piştî parastina parêzeran, heyeta dadgehê biryara xwe aşkere kir û biryar da zarok girtî bên darizandin. Dadger danişînê taloqî 28’ê hezîranê kir.&nbsp;

	&nbsp;