
Li Qoserê bi çekê êrişî wesayîtekê hate kirin: 2 kes mirin

2023-03-20 19:28:12


	&nbsp;

	MÊRDÎN - Li navçeya Qoserê li dijî wesayîteke di rê de diçû bi çekê êriş hate kirin, 2 kesan jiyana xwe ji dest dan û 2 kes jî birîndar bûn.&nbsp;

	&nbsp;

	Li dijî wesayîteke ku li ser Cadeya Nexweşxaneya Kevin a navçeya Qosera Mêrdînê di rê de diçû ji aliyê kesên nasnameya wan nediyar ve bi çekên lule dirêj êriş hate kirin. Piştî êrişî qelebalixek li cihê bûyerê kom bû û tîmên tenduristiyê û polîsan sewqî cihê bûyerê hatin kirin. Di êrîşê de li gorî encamên destpêkê 2 kesan jiyana xwe ji dest dan, 2 kes jî bi giranî birîndar bûn. Kesên di êrîşê de birîndar bûn rakirin Nexweşxaneya Dewletê ya Qoserê.

	&nbsp;

	Hate hînbûn ku di navbera kesên di êrişê de jiyana xwe ji dest dan û êrişkaran de dijminatiyek hebû û hêj nasnameya kesên jiyana xwe ji dest dan nehate diyarkirin.&nbsp;

	&nbsp;