
Hêj jî madena ku bû sedema mirina 8 karkeran tê xebitandin 

2018-04-07 09:06:24


	ŞIRNEX – Li Şirnexê 6 neh berê di kana madenê de hezan pêk hatibû û 8 karker jiyana xwe ji dest dabûn. Piştî bûyerê wezaretê diyar kiribû ku kana madenê “qaçax” e. Lê belê derket holê ku hîn jî kana madenê tê xebitandin.&nbsp;

	Di 17’ê Cotmha 2017’an de li Şirnexê di kaneke madene de hezan pêk hatibû û 8 karker miribûn. Derket holê ku hîn jî kana madenê xebitandin. Hat hînbûn ku ocaxa komirê ji aliyê fîrmayeke taşeron a girêdayî Şîrketa Anonîm a Acarê ku ya Mehmet Emîn Acar e û ev kes nêzî hikûmetê ye, tê xebitandin. Nehat hînbûn ku ka kana komirê kengî hatiye vekirin.

	&nbsp;

	KOMIR BI QAMYONAN TÊ KIŞANDIN&nbsp;

	&nbsp;

	Piştî hezan çêbû, Walîtiya Şirnexê û Wezareta Enerjî û Çavkaniyên Xwezayî diyar kiribûn ku kana madenê “qaçax” e, lê belê derket holê ku tu tevdîr nehatine girtin. Qada ku 8 karker lê mirin jî di nav de li kana madene hîn jî makîneyên karî dixebitin û komira tê derxistin bi qamyonan tê kişandin.&nbsp;