
Dozger xwest xwediyê Îmtizayê û midûrê nivîsê yê Ozgurlukçu Demokrasî bê girtin   

2018-04-06 11:40:18


	STENBOL – Dozger piştî îfadeya Xwediyê Îmtîzayê yê Rojnameya Ozgurlukçu Demorasî ku qeyûm tayînî wê kirin Îhsan Yaşar û Midûrê Karên Nivîsan Îshak Yasul girt, bi daxwaza girtinê sewqî dadgehê kir.&nbsp;

	Di 28'e Adarê de, bi daxwaza Serdozgeriya Komarê ya Stenbolê 7'emîn Dadgeha Sulhê ya Stenbolê qeyûm tayînî Rojnameya Ozgurlukçu Demorasî û Çapxaeya Gunê kir û dewrî TMSF’ê kir. Di operasyona 28'ê Adarê de Xwediyê Îmtîyazê yê Rojnameya Ozgurlukçu Demokrasî Îhsan Yaşar û Midurê Karên Nivîsan Îshak Yasul jî di navde 27 kes hatibûn binçavkirin. Duh 20 xebatkar hatin girtin. Îro jî Yaşar û Yosul sewqî edliyê kirin. Dozger piştî îfadeya Yasul û Yaşar girtin bi îdîaya "Endamtiya rêxistinê" û "Propaganda rêxistinê kiriye" bi daxwaza girtinê sewqî dadgehê kirin.&nbsp;

	&nbsp;

	ROJNAMEGERÊN DI 4'Ê NÎSANÊ DE HATIN BINÇAVKIRIN HÊJ DI BIN ÇAVAN DE NE

	&nbsp;

	Polîs û tîmên taybet di 4'ê Nîsanê de şev nîvê şevê &nbsp;bi ser malên xebatkarên Rojnameya Ozgurlukçu Demokrasî de girtin û lêgerîn pêk anîn. Di lêgerînê de polîsan dest danî ser rojname, wêne, pirtûk û maskeyên gazê ku di dema şopandina nûçeyan de tê bikaranîn. Polîsan, di serdegirtina malan de rojnameger Mehmet Ali Çelebî, Reyhan Hacioglu û Hicran Urun, Pinar Tarlak, Ramazan Sola û Nedim Demirkiran, Mehmet Beyazit binçav kirin.&nbsp;