
Avahîsaz Huseyîn Oguzcan di qezaya trafîkê de jiyana xwe ji dest da 

2018-04-04 09:50:56


	ÊLIH – Sekreterê ÎKK’ê yê TMMOB’a Êlihê yê berê û rêveberê Odeya Avahîsazan (ÎMO) a Êlihê Huseyîn Oguzcan li Xarpêtê qezaya trafîkê derbas kir û jiyana xwe ji dest da. Birayê Oguzcan jî bi giranî birîndar bû.&nbsp;

	Sekreterê Lîjneya Kordînasyona Bajêr (ÎKK) ê TMMOB’a Êlihê yê berê û rêveberê Odeya Avahîsazan a Êlihê Huseyîn Oguzcan li ser riya Xarpêtê qezaya trafîkê derbas kir. Wesayîta Oguzcan a bi plakaya 72 DC 970 û tangêra neftê vediguhezîne ya bi plakaya 72 DZ 128 li hev qelibîn. Bi dijwariya qezayê re otomobîla Oguzcan bû xurde û Oguzcan li cihê bûyerê jiyana xwe ji dest da. Birayê Oguzcan, Seyîthan Oguzcan û kesê bi navê Emrullah Tural birîndar bûn.&nbsp;

	Piştî ekîbên AFAD’ê, tenduristiyê û polîsan sewqî cihê bûyerê hatin kirin, birîndaran rakirin nexweşxaneyên cuda yên Xarpêtê.&nbsp;

	&nbsp;

	Cenazeyê ji bo otopsiye rakirin morga Nexweşxaneya Zanîngeha Firatê. Gelek hempîşe û xizmên Oguzcan û nûnerên saziyên civakî yên sivîl û nûnerên partiyên siyasî çûn nexweşxaneyê.

	&nbsp;

	&nbsp;Piştî kar û barên otopsiye dê cenazeyê Oguzcan li Goristana navçeya Hezo ya Êlihê bê definkirin.&nbsp;

	&nbsp;

	Têkildarî qezayê lêpirsîn hat destpêkirin.&nbsp;

	&nbsp;

	&nbsp;