
Li Rojhilat û Îranê agirê azadiyê roj bi roj geştir dibe 

2022-12-06 12:04:00


	&nbsp;

	NAVENDA NÛÇEYAN - Greva giştî ya li bajarên rojhilatê Kurdistanê û Îranê berdewam e. Her wiha çalakvanan li dehan bajaran çalakî li dar xistin.&nbsp;

	&nbsp;

	Çalakiyên protestokirinê yên li rojhilatê Kurdistanê û Îranê ku piştî qetilkirina Jîna Emînî hatibûn destpêkirin, berdewam in. Li ser bangawaziyan, duh li dehan bajaran greva giştî dest pê kir. Greva giştî du roja duyemîn de didome û tê payîn ku heta sibê bidome. Bi sedema greva giştî, li bajarên Urmiye, Mahabad, Bokan, Serdeşt, Pîranşar, Şino, Seqiz, Bane, Dîwander, Kamyaran, Dêwlan, Firwe, Merîwan, Pawe, Rewanser, Ciwanro, Selasî Bawecan, Kirmaşan û Îlamê yên rojhilatê Kurdistanê esnafan derabeyên dikanên xwe venekirin.&nbsp;

	&nbsp;

	Her wiha li bajarê Sineyê xwendekaran laçikên xwe derxistin û çalakî li dar xistin. Di dema xwepêşandanan de bi minasebeta roja 40’emîn a qetilkirina Muhammed Şerîet, merasîma bîranînê hat lidarxistin.&nbsp;

	&nbsp;

	Li bajarê Dêwlanê jî xwendekaran bi dirûşma “Jin, jiyan, azadî” meşek li dar xist. Di saetên êvarê de li bajarên Sine, Kirmaşan, Seqiz, Ciwanro û gelek bajarên din bi pêşengtiya ciwanan li kolanan agir hatin hilkirin.&nbsp;

	&nbsp;

	Li bajarên weke Tehran, Îsfehan, Kirman, Faris, Merkezî, Hemedan, Buşer û li gelek bajarên din ên Îranê jî esnafan derabeyên dikanên xwe venekirin. Welatî daketin kolanan û çalakî li dar xistin.&nbsp;

	&nbsp;

	Rêxistina Mafên Mirovan a Hengawê da zanîn ku li 29 bajarên kurdan esnafan dikanên xwe venekirin, xwendekar neçûn dibistanê û derneketin kolanan.&nbsp;

	&nbsp;