
Li Şirnexê hin kesên hatibûn binçavkirin berdan

2018-03-23 16:11:54


	ŞIRNEX – Li Şirnexê beriya Newrozê ji gelek kesên hatin binçavkirin heta niha 12 kes hatin berdan, kesek hat girtin û hêj gelek kes di binçavan de ne.&nbsp;

	Li Şirnex û navçeyên wê di 20’ê adarê de di serdegirtina malan de gelek siyasetmedar û welatî hatibûn binçavkirin. Hefvseroka HDP’a Bajarokê Dêrgulê Meryem Akyuk û kesê bi navê Necmettîn Îşlek piştî îfadeyan hatin berdan. Rêveberê HDP’a Şirnexê Husnu Kaydi, Rêveberê DBP’a Şirnexê Abdulkerîm Guleş û Hevserokê HDP’a bajarokê Dêrgulê Ekrem Guler hêj di binçavan de tên ragirtin.

	&nbsp;

	Hevserokê Şaxa MEYA-DER’ê ya Cizîrê ya bi KHK’ê hat girtin Mele Kasim Yigît, hevjîna Mahmut Duymak ê di qedexeya li Cizîrê de hat kuştin Lutfiye Duymak, welatiyên bi navê Egît Erkul û Burhan Baytaş jî yên li Cizîrê hatibûn binçavkirin hêj li emniyetê tên ragirtin.&nbsp;

	&nbsp;

	Ruşen Yigît, Asker Kivanç û 3 kesên din jî li dadgehê bi şertê kontrola edlî hatin berdan.&nbsp;

	&nbsp;

	Kanya Ozalp ê li Newroza Cizîrê hat binçavkirin jî bi îdiaya “Propaganda rêxistinê kiriye” hat girtin. Li aliyê din 6 kesên din ku piştî pîrozbahiya Newrozê li navenda navçeyê hatibûn binçavkirin di binçavan de tên girtin.&nbsp;

	&nbsp;

	LI SILOPÎ 13 KES DI BINÇAVAN DE NE

	&nbsp;

	Husniye Alkiş, Abdullah Anlar û Îsa Taştamur ên li Silopiyê jî hatin binçavkirin piştî îfade dan miduriyeta polîsan hatin berdan. Li bendê ye 13 kesên din jî ku li Silopî hatibûn binçavkirin derbixin edliyê.&nbsp;

	&nbsp;

	Halît Merîç û Seher Ulaş ên li navçeya Elkê jî hatibûn binçavkirin hatin berdan. 3 kesên din jî hêj di binçavan de ne.&nbsp;

	&nbsp;

	Li Hezex, Basa û Qilebanê jî 8 kesên hatibûn binçavkirin hêj di li miduriyeta polîsan tên ragirtin.&nbsp;

	&nbsp;

	Parêzerên xwestin têkildarî binçavkirinê agahî bistînin, polîsan bi hinceta “di dosyeyê de biryara nepen heye” agahî nedan.&nbsp;