
Li Amedê bi sedhezaran diherikin Newrozê

2018-03-21 10:35:52


	AMED – Li Amedê bi sedhezaran ji taxên bajêr diherikin qada Newrozê. Qada Newrozê mîna her salê bi rengên kesk, sor û zer hatine xemilandin.&nbsp;

	Bi sedhezaran Amedî ji serê sibê ve berê xwe didin Qada Newrozê. Pîrozbahiya Newrozê yê fermî dê saet 11.00’an destpê bike, lê welatiyan ji serê sibê de berê xwe dane qadê û diherikin Newrozê.&nbsp;

	&nbsp;

	DESTPÊKÊ GOR ZIYARET KIRIN&nbsp;

	&nbsp;

	Gelek malbatên Amedê li ser rêya xwe gorên PKK’iyan ên li Goristana Yenîkoyê ziyaret kirin û li ser gorên zarokên xwe dua xwendin û dûre berê xwe dan qada Newrozê.

	&nbsp;

	JIN, ZAROK, KAL Û PÎR DIHERIKIN QADÊ

	&nbsp;

	Jin bi cil û bergên xwe yên bi reng berê xwe dane qadê û li hin cihên girse kom bûyîn li ber dahol û erbaneyan ber bi qadê ve dimeşin. Xwendekarên dibistana navîn, lîsê û zanîngehê neçûn dibîstanên xwe û bi awayeke komî berê xwedan qada Newrozê. Ciwan bi berzkirina “Newroz pîroz be” ber bi qadê ve dimeşin û hin caran radiwestin û govendê digerînin.

	&nbsp;

	QAD BI PANKARTAN TIJE KIRINE

	&nbsp;

	Mîna her salê Qada Newrozê bi rengên kes, sor û zer hatine tije kirin û xemilandin. Pankartên bi zimanê cûda yên “Newroz pîroz be” bi qadêve hatin daliqadin. Cardin pankartên “Vîna gel nayê dizîn,” “Ev wiha naçe jin destûr nadin” û “Dê faşîzm winda bike, gel qezenc bike” bi qadêve hatin daliqadin.&nbsp;

	&nbsp;

	BI OCALAN Û EFRÎNÊ KETIN QADÊ

	&nbsp;

	Li Qada Newrozê ewlekariyek zêde heye û polîsan bi koçikên bêhna bombeyan dikin di qadê de lêgerîn pêk anîn. Piştî lêgerîna qadê bi dawî bû ji 5 aliyan ve gel ket qadê. &nbsp;Ligel polîsan Komîteya Amadekar &nbsp;a Newrozê ji hezar kesî zêdetir erkdar kirî li qadê erk abi cih tînin. Bi hinceta lêgerînê saet 09.30 destûr hat dayîn gel bikeve qadê. Destpêkê jin û xwendekar ketin qadê. Girseya ku ket qadê dirûşmên &nbsp;“Bijî Serok Apo”, “Bê serok jiyan nabe”, “Bijî berxwedana Efrînê” berz kirn. &nbsp;Her ku diçe girseya li qadê zêdetir dibe.&nbsp;

	&nbsp;

	Komîteya Amadekar bi destpêkirina pîrozbahiyê re dê daxuyanî bide. Bernameya pîrozbahiya Newrozê wihaye: Hevserokê KCD’ê Berdan Ozturk dê axaftinekê bike, Agirê Newrozê dê bê pêxistin, Xêro Abbas dê konser bide, nûnerên DDKD, OSP û HAK-PAR &nbsp;û Hevseroka Giştî ya HDP’ê Pervîn Buldan, konseya Bandîsta, Platforma Sûrê û Siyasetmedarê Kurd Ahmet Turk dê bi axivin û dûre Helîmê Omerî dê derbikev ser dike.&nbsp;

	&nbsp;

	&nbsp;

	&nbsp;