
Artêşa Îranê: Haya Hikûmeta Herêma Kurdistanê ji êrişan hebû

2022-09-28 19:05:59


	NAVENDA NÛÇEYAN - Artêşa Îranê, daxuyand ku haya Hikûmeta Herêma Kurdistanê jê hebûye ku ew ê baregehên hêzên kurd bombeberan bikin.&nbsp;

	&nbsp;

	Artêşa Îranê, têkildarî êrişa li hemberî herêma Zirgiwê û navçeya Koyê yên Herêma Kurdistana Federe de daxuyanî da. Artêşa Îranê daxuyand ku haya rêvebiriya Herêma Kurdistana Federe jê hebûye ku ew ê vê êrişê bikin. Li gor nûçeya di Rojnewsê de Artêşa Îranê di daxuyaniya xwe de diyar kiriye ku dê careke din êrişê bibin ser hêzên li herêmê.&nbsp;

	&nbsp;

	ÊRIŞ DÊ BIDOMIN

	&nbsp;

	Artêşa Îranê di daxuyaniya xwe de wiha got: "Beriya êrişan me bang kiribû ku êrişên li ser hêzên me rawestînin. Êrişên îro hatin kirin, ji aliyê Fermandariya Yekîneyên Mihafizan a Hemze Seîd Şuheyda ve hatin kirin. Her wiha li Herêma Kurdistanê li hemberî van partiyan li deverên cuda bi mûşek û dronan êriş hatin kirin. Heta Hikûmeta Herêma Kurdistanê erka xwe pêk neyne, dê êrişên Artêşa Mihafizên Şoreşê yên Îranê bidomin."&nbsp;