
Yên li Halepçe hatin qetilkirin bibîr anîn 

2018-03-17 16:45:57


	MÊRSÎN – Meclîsa Kongreya Demokratîk a Gelan, li Mêrsînê, komkujiya Helepçe şermezar kir û bi hezaran kesên di komkujiyê de jiyana xwe ji dest dan bibîr anîn.&nbsp;

	Li Helepçeyê li ser fermana Serokê Dewleta Iraqê Saddam Huseyîn di 16’ê Adara 1988’an de bi hezaran welatiyên kurd bi çekên kîmyewî hatibûn kuştin. Meclîsa Bajêr a Kongreya Demokratîk a Gelan (HDK) a Mêrsînê komkujî şermezar kir û bi hezaran kurdin di komkujiyê de jiyana xwe ji dest dan bi bernameyek bibîr anîn. Bername li avahiya HDP’a Mêrsînê hat lidarxistin. &nbsp;Gelek kes beşdarî bîranînê bûn û ji bo yên jiyana xwe ji dest dan rêz girtin. Sînevziyona behsa komkujiya dikir hat pêşandan û beşdarvanan xemgîn kir.&nbsp;

	&nbsp;

	Piştî pêşandanê Berdevkê Meclîsa Bajêr a HDK’a Mêrsînê Hasan Kapikiran axivî û got: “Komkujiya duh li Helepçeyê pêk îro li Efrînê dewam dike. Em van komkujiyan şermezar dikin.” Kapikiran got ku ew di arîfeya Newrozê de ne û li dijî komkujiya ji bo aştiyê banga beşdariya Newrozê kir.&nbsp;

	&nbsp;

	Bîranîn bi guhdarkirina stran û helbestan xelas bû.&nbsp;

	&nbsp;

	&nbsp;