Rêveber û endamên HDP û DBP’ê hatin binçavkirin

2018-03-17 12:39:41


	 

	MÊRSÎN / WAN - Li Mêrsîn û Wanê hevserokên HDP, DBP û gelek kes hatin binçavkirin.  

	 

	Polîsan li Mêrsînê serê sibê bi ser gelek malan de girtin, Hevseroka DBP’ê Yeter Guzel, Hevserokên HDP’ê Havva Tekîn û Saît Tilsin ên Akdenîzê, Rêvebera HDP’ê ya Mêrsînê Hatîce Sayin û gelek kesên navên wan nehat zanîn binçav kirin.  Kesên ku hinceta  binçavkirina wan nehat zanîn birin Midûryeta Polîsan a Mêrsînê. 

	 

	LI WANÊ JÎ 3 KES BINÇAV KIRIN 

	 

	Li Wanê jî serê sibê polîsan bi ser malan de girtin, welatiyên binavê Sînan Surucu, M. Selîm Ozdeş û Nazmî Kalkan binçav kirin. 3 kesên hatin binçavkirin birin Midûryeta Polîsna a bajêr.