
Malbata Temel 7 meh in li benda edaletê ye 

2018-03-14 09:32:24


	COLEMÊRG – Li gundê Talê yê Colemêrgê di encama êrîşa SÎHA’yê de Mehmet Temel jiyana xwe ji dest dabû. Malbatê gilî kiribû, lê belê 7 meh di ser bûyerê re derbas bûn, hîn jî tu pêşketin di dosyeyê de çêne bûne.&nbsp;

	Li herêma Kanîreşê ya gundê Talê ya bi ser Colemêrgê ve di 31’ê tebaxa 2017’an de Balafira Bêmirov a Biçek (SÎHA) êrîş pêk anîbû û Mehmet Temel ê 35 salî jiyana xwe ji dest dabû. Li gel Temel Îbrahîm Sak (54), Îsmaîl Aydin (43) û Musa Tarhan (54) jî birîndar bûbûn. Walîtiya Colemêrgê têkildarî mijarê daxuyanî dabû û welatiyan wek “Hevkar” pênase kiribû.&nbsp;

	&nbsp;

	Malbata Temel têkildarî bûyerê serî li Serdozgeriya Komarê ya Wanê dabû û giliyê kiribû. Li gel ku 7 meh di ser gilîkirinê re derbas bûn jî tu encam ji serlêdanê derneketiye.&nbsp;

	&nbsp;

	Birayê Temel, Tahîr Temel piştî bûyerê mehek şûn ve giliyê kiribû. Temel diyar kir ku têkildarî gilîkirinê tu pêşketin çê nebûne û tu kesî jî neçûye îfade nedaye.&nbsp;

	&nbsp;

	Temel bi bîr xist ku Musa Tarhan û Îbrahîm Sak ên xizmê wan ku birîndar bûn bêyî ku dermankirina wan temam bibe hatin girtin û dermankirina Îsmaîl Aydin ê bi giranî birîndar bûbû jî hêj dewam dike.&nbsp;

	&nbsp;

	‘DI DOSYEYÊ DE BIRYARA NEPEN HEYE’&nbsp;

	&nbsp;

	Temel destnîşan kir ku li gel pêşketinek ji gilîkirinê derneket jî ji bo agahdariyê wan û parêzeran serlêdan kirin û bersiva “Di dosyeyê de biryara nepen heye” dane wan.&nbsp;

	&nbsp;

	‘LI MALBATA BIRAYÊ XWE JÎ EZ DINÊRIM’&nbsp;

	&nbsp;

	Temel da zanîn ew li bendê ne jy rastî derbikeve holê û got: “Li gel ku dîtin birayê min sivîl e jî, lê êrîş kirin. Li pişt wî ya herî mezin 13 salî sê sêwiyên wî man. Bavê min ê 66 salî jî niha li Girtîgeha Tîpa T a Wanê girtiye. Li gel di destê min de karek tune ye jî ez li malbata xwe û malbata Mehmet jî dinêrim. Ji ber vê êrîşê em hemû şerpeze bûn.”&nbsp;

	&nbsp;

	Temel anî ziman ku her çi dibe bila bibe dê dozê bişopînin û li Tirkiyeyê encam ji dozê dernekeve dê dosyeyê bibin Dadgeha Mafê Mirovan a Ewropayê (DMME) û li heqiyê bigerin.&nbsp;

	&nbsp;

	‘HEMÛ GELÊ COLEMÊRGÊ WAN NAS DIKE’&nbsp;

	&nbsp;

	Temel diyar kir ku birayê wî û yên birîndar bûn sivîl in û ev tişt got: “Dewletê bi daxuyaniya ewil qebûl kir ku sivîl in. Lê rayedaran pişt re daxuyaniyên xwe guhertin. Hemû gelê Colemêrgê birayê min û her sê sivîlên din nas dike.”&nbsp;

	&nbsp;

	MA / Hamza Gunduz