
Li Efrînê pevçûn dijwar bûn: Di bin kavilan de sivîl hene 

2018-03-10 12:58:26


	EFRÎN – Êrîşên TSK’ê û OSO’yê yên li dijî Efrînê di roja 50’î de dewam dike. Li gelek eniyan pevçûn didome. Tê gotin ku ji ber bombebarana ji bejahî û hewayî sivîlên jiyana xwe ji dest didin di bin kavilan de mane.&nbsp;

	Êrîşên bejahî û hewayî yên Hêzên Çekdar ên Tirk (TSK) û komên OSO li ser Efrînê dewam dikin. Êrîş ketin roja 50 û Hêzên Sûriyeya Demokratîk (QSD) jî parastina xwe ya rewa dike. Li navçeyên Cindirês, Raco, Şera, Bilbilê, Şiyê, Mabeta û Şêrawa yên Efrînê pevçûnên dijwar rû didin. Heta îro nêzî hezar êrîşên hewayî pêk hatin û TSK û OSO hedef girtina sivîlan jî domîne.&nbsp;

	&nbsp;

	ENIYA CINDNRÊSÊ&nbsp;

	&nbsp;

	Di rojên dawî de li navçeya Cindirêsê pevçûn dijwar bûne û ev pevçûn didomin. Balafirê şer herêmê bombebaran dike. Navenda navçeyê, gundên Girê Qaziliqe, Kefer Sefrê, Kora, Celemê, Kanî Gewirkê, Kefer Zîtê, Qurbê û Çeqalê Çumê hedef tên girtin. Li van herêman wargehên sivîlan bi obusan tên rûxandin.&nbsp;

	&nbsp;

	ENIYA ŞERA&nbsp;

	&nbsp;

	Li enî ango navçeya Şerayê gelek welatiyên êzidî lê dimînin. Ji ser gundên sînor êzidî vekişiyan herêmên hundir. Hin gund bi bombebaranê ser û bin bûne. Bi taybetî li gundên Mariskê, Metîna, Meryemînê, Qurtqulaqê, Qera, Vêla Qadî, Kefer Romê û Mezraha pevçûnên dijwar diqewimin. Hêzên QSD’ê derbên giran li TSK’ê û OSO’yê didin û tê gotin ku ev hêz şikestine.&nbsp;

	&nbsp;

	ENIYA BILBILÊ&nbsp;

	&nbsp;

	TSK û OSO li navçeya Bilbilê jî ji bejahî û hewayî ve bombebaran dike. Di bombebaranê de sivîlan hedef digirin û hat ragihandin kuştî û birîndar hene. Li herêmê bi taybetî li derdora gundên Baxçê, Bukê, Berkaşê, Qaşa, Bîbeka, Qota û Sariya pevçûnên dijwar rû didin.&nbsp;

	&nbsp;

	ENIYA ŞIYÊ&nbsp;

	&nbsp;

	Navçeya Şiyê ji ber nêzî Cindirêsê ye xwedî cihek xwe stratejîk û girîng e. Êrîşên dijwar li ser vê herêmê pêk tên û êrîşkar dixwazin bi êrîşan riya di navbera Şiyê û Cindirêsê de qût bikin. Li vê dere hêzên QSD û sivîl bûne hedefa êrîşkaran. Hat zanîn ku di encama bombebaranê de cenazeyên sivîlan di bin kavilan de mane. Ji ber bombebaran dijwar komên tenduristiyê nikarin biçin herêmê û mudaxeleyî birîndaran bikin. li gundên Turmîşa û Şikefta di navbera hêzên QSD û TSK-OSO’yê de pevçûnên dijwar diqewimin.&nbsp;

	&nbsp;

	NAVENDA EFRÎNÊ&nbsp;

	&nbsp;

	Li dijî navenda Kantona Efrînê jî êrîşên hewayî pêk hatin. Bombebarankirina li ser gundê Qîbarê yê girêdayî navendê û derdora navendê jî dodme.&nbsp;

	&nbsp;

	MA / Nazim Daştan &nbsp;