
Li Stenbolê bernameya Newrozê aşkere bû: Newroz berxwedan û azadiye

2018-03-06 15:39:19


	STENBOL – Kordînasyona Newrozê ya Stenbolê bernameya Newrozê aşkere kir. Dê Newroza Stenbolê roja 21’ê Adarê li Bazara Gel a Bakirkoyê bi dirûşmeya “Newroz berxwedan, azadî û bihar e” bê pîrozkirin.&nbsp;

	Kordînasyona Newrozê ya Stenbolê bi boneya bernameya Newroza 2018’an li avahiya Partiya Demokratîk a Gelan (HDP) a Stenbolê civîna çapemeniyê li dar xist û bernameya Newrozê aşkere kir. Dê Newroza Stenbolê di 21’ê Adarê de roja çarşemê li Bazara Gel a Bakirkoyê bê pîrozkirin. Newroz dê bi dirûşmeya “Newroz berxwedan, azadî û bihar e” bê pîrozkirin.&nbsp;

	&nbsp;

	Daxuyanî bi kurdî û tirkî hat xwendin. Daxuyaniya tirkî Hevserokê HDP’a Stenbolê Cengîz Çîçek û daxuyaniya kurdî jî endamê Komeleya Lêkolînên Kurdî Aytekîn Alpdemîr xwend.&nbsp;

	&nbsp;

	Daxuyaniya Alpdemîr xwend wiha ye:

	&nbsp;

	“Çawa ku di destana Newrozê de berî niha bi 2 hezar û 700 salan Dehakê zordar têk çû û gelên Rojhilata Navîn azad bûn, di sala 2018’an de jî dehakên roja me, hêzên zilmê û bîrûbaweriya faşîst dê têk biçin û pêvajoya azadiyê dê li pêş bikeve. Em ê di Newroza 2018’an de ji tifaqa faşîst a dijmin hesab bipirsin. Tifaqa faşîst têk bibin û veguherînin roja serkeftinê ya azadî û rizgariya gelan.&nbsp;

	&nbsp;

	Roj roja geşkirina agir e. Niha dema mezinkirina berxwedanê ye. Niha dema daweşandina gurzê Kawayê Hesnikar e û li dijî kesên ku dixwazin me tune bikin. Roja Newrozê ku serhildana li dijî zilmê û berxwedanê ye, li dijî faşîzmê dîsa em ê hemû bi hev re biqîrin û bêjin ‘Faşîzm hilweşe û gel dê bi ser kevin.’

	&nbsp;

	Em ê giyan bidine Newroza 2018’an. Em ê wê veguherînin Newroza berxwedanê. Di vê çarçoveyê de em ji niha ve cejna azadiyê ya Newrozê ya hemû gelan pîroz dikin. Em ê li gel hemû hêzên demorkasiyê di her şert û mercî de roja Newrozê li qadan bin. Em ê daxwazên xwe yên hevpar li dijî OHAL’ê biqîrin.&nbsp;

	&nbsp;

	Em tevahiya gelên xwe 21’ê Adarê roja çarşemê saet di 13.00’an de vedixwînin Bazara Şemiyê ya Bakirkoyê.&nbsp;

	&nbsp;

	Em hemû bi hev re bêjin; ‘Ji OHAL’ê, tecrîd û yek awayê re na. Em ê li ber faşîzmê stûyê xwe xwar nekin. Newroz berxwedan e. Newroz azad bûn e. Em ê faşîzmê bişkênin û bi ser kevin. Bijî Newroz û Newroz pîroz be.

	&nbsp;

	KOMÎTEYA AMADEAR Û KORDÎNASYON

	&nbsp;

	Komîteya Amadekar a Newroza Stenbolê ji van saziyan pêk tê: “Partiya Şoreşger, SYKP, DBP, HDP, HDK, Înisiyatîfa Piştevaniya bi Zîndanan re û DAD.”&nbsp;

	&nbsp;

	Di Kordînasyona Newrozê de jî nûnerên van saziyan cih digirin: “HDP, HDK, DBP, ESP, SYKP, Partiya Şoreşger, YSGP, SODAP, YAKAY-DER, GOZ-ÎZDER, DAD, TJA, Komelya Lêkolînên Kurdî, Dayikên Aştiyê, DÎADER, NÇM, Înisiyatîfa Piştevaniya bi Zîndanan re, Meclîsa Ciwanan û Partîzan.”&nbsp;