
Dibistan kirin qereqol 

2018-03-06 09:27:37


	COLEMÊRG- Li Colemêrgê, tevî 11 dibistanên ku di dema qedexeyên derketina derve yên di sala 2016'an de hatin îlankirin û piştî qedexeyan gelek dibistanên din jî veguherandin qereqolan. Ji bo jinûveavakirina dibistanan 50 milyon lîre budçe hatibû veqetandin, lê belê nayê zanîn ka ev pere ji bo çi hatiye xerckirin.&nbsp;

	Li navçeya Geverê ya Colemêrgê, di dema pevçûnên di wexta qedexeyên derketina derve yên di sala 2016'an de hatin îlankirin rû dan de, gelek mal, kargeh û 11 dibistan hatibûn rûxandin û texrîbkirin. Nemaze jî Dibistana Navîn a Walî Gurbuz Erdogan, Dibistana Navîn a Halît Okay, Dibistana Seretayî ya Cûmhûriyetê, Dibistana Seretayî ya Ûgûr Sitki û Lîseya Ataturkê yên li Taxa Cûmhûriyet û Gungorê zêde bibûna hedefa obus, hewan û topan û ji ber vê nedihatin bikaranîn. Piştî lêkolînan der barê van dibistanan de rapora "zêde texrîb bûne" hat dayîn û yeko yeko hatin rûxandin.

	&nbsp;

	Tevî van dibistanan, hin dibistanên taxên ku qet pevçûn lê rû nedan jî bi hinceta "ewlehiyê" hatin rûxandin. Ji ber ev dibistanên netexrîbkirî hatibûn rûxandin &nbsp;û perwerdehî bi derengî ketibû gel nerazîbûnên xwe nîşan dabû.&nbsp;

	&nbsp;

	Her wiha li navçeyê, gelek dibistanên nehatin rûxandin jî veguherandin qereqolê. Yek ji van dibistanan jî Dibistana Gaziyê ya li Taxa Ormanê bû û tehsîsî tîmên Tevgera Taybet hat kirin. Li derdora dibistanê jixwe du avahiyên qereqolê hebûn, lê belê dîsa jî dibistan veguharandin qereqolê û ji ber vê xwendekar neçar man ku biçin dibistanên ku gelekî dûrî malên wan e.&nbsp;

	&nbsp;

	Rûxandina van dibistanên ku 7 hezar û 500 xwendekarên wan hebûn, bû sedema ku li dibistanên din hejmaar xwendekaran zêdetir bibe û ji ber li hin dibistanan cih tune ye ku xwendekar lê rûnên.&nbsp;

	&nbsp;

	Halbûkî di 17'ê Gulana 2017'an de Gerînendetiya Perwerdehiya Netewî ya Colemêrgê û Gerînendetiya Wezarerta Hawirdor û Bajarsaziyê ya Colemêrgê soz dabûn ku ew ê dibistanên hatine texrîbkirin ji nû ve ava bikin. Lê belê, du sal derbas bûn hîn jî soz bi cih nehatine.&nbsp;

	&nbsp;

	Hatibû daxuyandin ku ji bo jinûveavakirina dibistanên hatine rûxandin 50 milyon lîre budçe hatiye veqetandin, lê belê aqûbeta pereyê hatiye şandin nayê zanîn.&nbsp;

	&nbsp;