
Hem lînç kirin hem doz lê vekirin 

2018-03-04 09:22:36


	&nbsp;

	ŞIRNEX &nbsp;- Xwendekarê Zanîngeha Kocaeliyê Ferhat Duymak ku ji aliyê xwendekarên nîjadperest ve hatibû lînçkirin û vegeriyabû Cizîrê, vê carê der barê wî de doz vekirin.&nbsp;

	&nbsp;

	Xwendekarê Beşa Karên Makîneyên Keştî ya Fakulteya Karamurselê ya Zanîngeha Kocaeliyê Ferhat Duymak yê ji Cizîrê, di 2'yê Îlonê de li Wargeha Xwendekaran a Gazanfer Bîlge rastî lînca komek xwendekarên nijadperest hatibû. Koma nijadperest bi hinceta Duymak derbarê qedexeya derketina kolanan a li navçeya Cizîrê de li ser hesabê medya civakî bi hastaga #Cizredekatliamvar bal dikişand ser komkujiya Cizîrê û wêneyê Hevserokê Giştî yê HDP'ê yê berê Selahattîn Demîrtaş belav kiriye Duymak lînç kiribûn.&nbsp;

	&nbsp;

	HEWCEHÎ BI LÊPIRSÎNÊ NEHAT DÎTIN

	&nbsp;

	Piştî Duymak rastî lincê hat, Serdozgeriya Karamurselê derbarê Emre Kuçuk, Koray Metîn û Mahmut Muhammet Çetîn de lêpirsîn vekir. Lê serdozger bi hinceta “Hewcehî li peyketinê tune ye” dosya lêpirsîne girt û pêdivî bi lêpirsînê nedît.&nbsp;

	&nbsp;

	SEDEMA LÎNÇKIRINÊ BÛ HINCETA PROPAGANDAYÊ

	&nbsp;

	Vê carê Serdozgeriya Kocaeliyê der barê Duymak de bi sedema parvekirinên medyaya civakî doz vekir. Dozgeriyê gilîyên xwendekarên nîjadperest Emre Kuçuk, Koray Metîn û Mahmut Muhammet Çetîn ya piştî buyerê 155’ê kirîn esas girt û di îdeanameyê de ev tişt got: “Gumanbar Ferhat Duymak bi armanca rêxistin kirina PKK’ê xebatan zanîngehê dimeşîne, li ser pirsa gîlîdaran a ‘Tu sempatîzanê PKK’yî?’, Duymak jî bi gotina ‘Erê ez li zanîngehê xebatên ji bo rêxistinkirina PKK’ê xebatan dikim’ bersiv daye…”

	&nbsp;

	PARVEKIRINÊN WÎ BÛ SEDEMA DOZE

	&nbsp;

	Parvekirinên Duymak yên medyaya civakî yên “Li Pirsûsê komkujî heye, lanet dikin”, “Li Cizîrê komkujî heye, li Geverê komkujî heye, êdî bese”, “Bajarek bifikirin heya biryara duyemîn qedexe tê îlankirin û tu nikarî herî mala xwe, dîsa heman bajêr telefon înternet tune ye û tu agahî ji xizmên xwe nastênî, heman bajêr gel raste rast tê gulebaran kirin, zarok kal herkes tê kuştin û medya jî nanivîse” bûn sedema sucê.

	&nbsp;

	Îdeanameya hatî amadekirin ji aliyê Dadgeha Cezayê ya Asliye ya 4'emîn a Kocaeliyê û Dadgeha Cezayên Giran a 3'emîn a Kocaeliyê ve biryara bêrayetiyê &nbsp;hat dayîn. Îdîaname piştre ji aliyê Dadgeha Cezayên Giran a 6'emîn a Kocaeliyê ve hat qebûlkirin.

	&nbsp;

	Serdozgerî di îdeanameyê de bi hinceta “Propagandaya rêxistinê kirinê” daxwaza ceza kirina Duymak kir û doz dê rojên pêş de li Dadgeha Cezayên Giran a 6'emîn a Kocaeliyê bê dîtin.&nbsp;

	&nbsp;

	MA / Ozgur Paksoy

	&nbsp;

	&nbsp;