
Leşkeran li Qereyaziyê xaniyek şewitandin û 3 kes binçav kirin

2018-03-02 15:23:35


	ERZIROM - Leşkeran li navçeya Qereyazî ya Erziromê bi ser gundê Reşa Sebrî de girtin û xaniyek şewitandin. Leşkeran piştre xanî bi kepçeyek xera kirin û 3 kes jî binçav kirin.&nbsp;

	Leşkeran serê sibê li Gundê Reşa Sebrî yê navçeya Qereyazî ya Erziromê bi ser malan de girtin. Leşkerên ku bi maşineyên zirxî bi ser gelek malan de girtin, xaniyek şewitandin û piştre xanî bi kepçeyan xera kirin. Leşkerên ku di serdegirtina gund de 3 kes binçav kirin, piştî 3 kes binçav kirin xaniyek şewitandin û bi kepçeyan xera kirin. Hat diyar kirin ku berî xanî bişewitînin dengê çekan bilind bû.&nbsp;

	&nbsp;

	Şeniyên taxê der barê bûyerê de agahî dan û wiha got: "Ji nişka ve leşkeran bi maşîneyên zirxî dora xaniyan pêça. Dengê çekan hat. Piştre xaniyê ku xwediyê wî salek e ne li mal e û salek e vala ye dan ber agir û bi kepçeyan xera kirin. Em niha nikarin ji malên xwe derkevin. Em di bin dorpêçê dene.&nbsp;

	&nbsp;

	3 KES BINÇAV KIRIN

	&nbsp;

	Şênî diyar kir ku piştî xanî şewitandin û bi kepçeyê xera kirin dorpêç hêj didome û di serdegirtina malan de Mehmet Emin Oran, Mensur Oran û Nuretin Durmaz binçav kirin. 3 kesên hatin binçavkirin nehat zanîn ku ew birin ku.&nbsp;