
Pirtûkên Ahmet Altan û Nurcan Baysal ‘bifikar’ hatin dîtin 

2018-02-24 11:05:57


	WAN – Girtîgeha Ewlehiya Bilind a Wanê pirtûkên Rojnameger-Nivîskar Ahmet Altan û nivîskar Nurcan Baysal “bifikar” dît û nedan Rojnameger Nedîm Turfent ê girtî. &nbsp;

	Nûçegihanê Ajansa Nûçeyan a Dîcleyê (DÎHA) a bi Biryarnameya di Hukmê Qanûnê de (KHK) hat girtin, Nedîm Turfent ji 13’ê gulana 2016’an ve girtîne. Pirtûka “Êzidî: Rizgarî û Komkujiya 73’yemîn” a Nivîskar Nurcan Baysal ku hevalek Turfent jê re şand, negihîşt ber destê wî. Lîjneya Perwerdehiya Rêveberiya Girtîgeha Ewlehiya Bilind a Wanê pirtûkê “bifikar” dît û radestî Turfent nekir.&nbsp;

	&nbsp;

	DESTÛRA WEŞANÊ DIDIN LÊ PIŞT RE QEDEXE DIKIN

	&nbsp;

	Hinceta desteserkirina pirtûkê wek “Pesindayîna Rêberê PKK’ê Abdullah Ocalan û endamên PKK’ê” hat nîşandan. Her wiha hat gotin ku pirtûk yekbûna Tirkiyeyê dixe talûkeyê û îdia kir ku pirtûk li dijî rêxistina unîter a Komara Tirkiyeyê ye. Ji ber van hincetan pirtûk nedan Turfent û hildan beşa emanetê ya girtîgehê. Turfent li dijî vê biryarê îtîrazî Dadgeha Înfazê ya Wanê kir û dadgehê îtîrazê jî red kir.&nbsp;

	&nbsp;

	PIARTÛKA AHMET ALTAN JÎ QEDEXE KIRIN&nbsp;

	&nbsp;

	Pirtûkek din jî ku hat qedexekirin a “Olmek Kolaydir Sevmekten (Mirin Hêsantir e ji Hezkirinê)” ya Rojnameger-Nivîskar Ahmet Altan e. Pirtûka Altan jî bi hinceta “Halê hazir ji endamtiya FETO/PDY girtî ye” asteng kir û destûr neda ku bigîhîje Turfent. Rêveberiya Girtîgehê îdia kir ku pirtûkên pesindayînê dikin dê rê li ber hêrsbûnê vebike û di mijara desteserkirina pirtûkê de pêwîstî bi biryara dadgehê jî nedît.&nbsp;

	&nbsp;

	LI ALIYEKÎ QEDEXE LI ALIYEKÎ DI LÎSTEYÊ DE NAV HEYE

	&nbsp;

	Di vê çarçoveyê de biryar hat dayîn ku pirtûkê nedin Turfent. Turfent ragihand ku nedayîna pirtûkê nakokiyek mezin e û got ku li aliyekî vê pirtûkê nadinê û li aliye din jî gelek pirtûkên din ên Ahmet Altan di lîsteya pirtûkxaneya girtîgehê de hêj cih digirin.&nbsp;

	&nbsp;

	MA / Mahmut Ruvanas

	&nbsp;