
Malbata Dayan bertek nîşanî qeyûm Tunç da: We ev cînayet kiriye 

2022-01-27 16:36:33


	ŞIRNEX – Wesayîta bizirx a bi cureya Rangerê li Cizîrê li Abdulgaffar Dayan xist û Dayan kuşt. Qeyûm Mehmet Tunç jî çû sersaxiya malbata Dayan. Lê malbatê bertek nîşan dan û got: “We ev cînayet kiriye.” Li ser berteka malbatê qeyûm neçar ma ku ji cihê şînê biçe.&nbsp;

	Xwendekarê bi navê Abdulgaffar Dayan (23) di 24’ê çileyê de dema ji pira kevin (Cadeya Yafesê) ber bi fêrgehê ve diçû, wesayîta bizirx a bi cureya Ranger li Dayan xist û Dayan jiyana xwe ji dest da. Malbatê şîna Dayan li Mizgefta Haci Çagli ya Taxa Konakê hatibû danîn. &nbsp;Qeyûm Mehmet Tunç jî ber bi danê nîvro ve çû sersaxiya malbatê. Lê malbata Dayan bertek nîşanî qeyûm Tûnç dan.&nbsp;

	&nbsp;

	‘ÇI KARÊ WESAYÎTÊN BIZIRX LI KOLANÊN ME HEYE?’

	&nbsp;

	Apên Abdulgaffar Dayan bertek nîşanî qeyûm Tûnç dan û gotin: “Li gorî me, we ev cînayet kiriye. We bi dehan endamên hêzên ewlekariyê yên serxweş û wesayîtên bizirx dayîne pey xwe û hatine vir. Çi karê van wesayîtên bizirx li taxa me heye?" Li ser vê bertekê, qeyûm Tûnç bêyî ku bersiva pirsên malbatê bide ji cihê sersaxiyê çû.&nbsp;

	&nbsp;

	Şaredariya Cizîrê 4 roj piştî cînayetê li ser hesaba xwe ya twîtterê ragihand ku wesayîta ku li Dayan xistî û bûye sedema mirina wî, ya wan e.&nbsp;

	&nbsp;