HSD: Derdora 90 çeteyan li bakurê Girtîgeha Sînaayê asê bûne 

2022-01-27 15:13:18


	NAVENDA NÛÇEYAN – HSD’ê bi daxuyaniyekê ragihand ku hêzên wan Girtîgeha Sînaayê bi temamî kontrol kiriye. HSD’ê da zanîn ku derdora 60 heta 90 endamên DAIŞ’ê li bakurê girtîgehê di şaneyan de asê ma ne. 

	Navenda Ragihandinê ya Hêzên Sûriyeya Demokratîk (HSD) der barê geşedanên dawî de daxuyaniyeke nivîskî bi raya giştî re parve kir. 

	 

	HSD’ê da zanîn ku Girtîgeha Sînaayê di bin kontrola wan de ye û hûrgiliyên operasyonên dawî wiha aşkera kir: “Heta niha derdora 3 hezar û 500 çeteyan xwe radest kiriye. Hêzên me niha jî li dijî şaneyên çeteyan operasyonên lêgerînê dikin. Di operasyonan de aşkere bû ku hejmareke derdora 60 heta 90 çeteyan li şaneyên bakurê girtîgehê asê bûne. Ji bo ku ev çete xwe radest bikin, hêzên me bang li wan dikin. Lê heke ev çeteye bangawaziya me nebersivînin, wê demê çi hewce bike, em ê wê bikin.”