
Kontrola edlî ya rojnameger Şahîn nehat rakirin 

2022-01-26 13:39:46


	&nbsp;

	AMED – Danişîna doza rojnameger Hatîce Şahîn ku di çarçoveya lêpirsîna KCD’ê de tê darizandin îro pêk hat. Şandeya dadgehê biryar da ku şertê kontrola edlî berdewam bike.&nbsp;

	&nbsp;

	Xebatkara rojnameya Yenî Yaşamê Hatîce Şahîn di 18’ê Cotmeha sala 2018’an de di çarçoveya lêpirsîna li ser Kongreya Civakên Demokratîk (KCD) de hatibû binçavkirin û piştre jî hatibû berdan. Şahîn bi ‘endamtiya rêxistinê’ tê darizandin û 7’emîn danişîna wê îro li 9’emîn Dadgeha Cezayên Giran a Amedê pêk hat. Şahîn beşdarî danişînê nebû lê parêzerê wê Resûl Temûr di danişînê de amade bû.

	&nbsp;

	Dadgehê da zanîn ku Midûriyeta Ewlehkariyê ya Amedê delîlên heyî ji dadgehê re şandine, Şaxa Midûriyeta TEM’ê mînakeke îfadeya şahid Derya Aslan ji dadgehê re şandiye û Derya Aslan jî ‘mafê neaxaftinê’ bi kar aniye. Dadgehê diyar kir ku muzekkereya ji bo Gurbetellî Ersoz ji Midûriyeta Ewlekariyê ya Amedê re şandibûn hatiye bersivandin, ev nivîs hatine wergerandin û ji wan re hatine şandin.&nbsp;

	&nbsp;

	Dozger jî ji şandeya dadgehê xwest ku muzekkereya derheqê Derya Aslan de bê sekinandin û şertê kontrola edlî ya rojnameger Hatîce Şahîn berdewam bike.

	&nbsp;

	Şandeya dadgehê daxwazên dozger qebûl kir û danişîn taloqî 18’ê Nîsanê kir.&nbsp;

	&nbsp;