ÇGD: Ji wê rojê heta îro êrîşên li ser çapemeniyê didomin

2018-02-23 13:15:56


	ENQERE - ÇGD 40’emîn salvegera avakirina xwe pîroz kir û got: “Berî 40 salan me bi karekterekê şoreşger/muxalîf dest bi xebatên xwe kir. Ji wê demê heya îro êrîşîn li ser çapemeniyê berdewam dikin.”

	Komeleya Rojnamegerên Hemdem (ÇGD) 40’emîn salvegera avakirina xwe pîroz kir û ev peyam da: “Berî 40 salan, em komek rojnameger û nûnerên sendîkayan weke ‘hovîtiya bayê’ dest bi rêya  dûr û dirêj kir. Xwediyên wesfandina ‘hovîtiya bayê’ serokê me yê giştî Alattîn Orhan, lijneya rêvebir, rojnamegerên ciwan û sosyalîstin.”

	 

	ÇGD’ê diyar kir ku 40 salin tekoşîna xwe ya rojnamegertiyê berdewam dikin û wiha got: “Îro jî li dijî sansûr, êrîş, ji kar derxistin, tundî û gefên li girtîgehan em şerê hebûnê didin. Em li dijî şer aştiyê, li dijî dîktatoriyê demokrasiyê û li dijî emparyalîzmê serbixwetiyê diparêzin. Di van 40 salên dawî de em hemû hustayên xwe yên me winda kirin bibîr tînin û spasiyên xwe pêşkêşî wan dikin.” 

	 

	ÇGD’ê di dawiya peyama xwe de wiha got: “Ji bo parastina rojnamegertiyê tekane rê têkoşîna birêxistin kiriye. Werin em dest bidin destên hev û paşaroja xwe ya birûmet mezintir bikin.”