
Li Şirnexê civîna ‘operasyonê’ li dar xistin

2022-01-21 14:01:34


	ŞIRNEX - Wezîrê Parastinê Hûlûsî Akar, Serfermandarê Tirkiyeyê Yaşar Guler, fermandarên hêzên hewa, derya û bejahiyê, bi fermandarên yekîneyên operasyonê yên li Herêma Kurdistanê re civîn li dar xistin.&nbsp;

	Tirkiyeyê di 23’yê Nîsana 2021’an de li dijî herêmên Metîna, Zap û Avaşînê yên Herêma Kurdistana Federe operasyona eskerî dabû destpêkirin. Di operasyonê de heta niha tu pêşveçûyîn nîne. Bi fermandarên yekineyên operasyonê re îro li Şirnexê civîneke balkeş hat lidarxistin.

	&nbsp;

	HATIN ŞIRNEXÊ

	&nbsp;

	Wezîrê Parastinê Hûlûsî Akar, Serfermandarê Tirkiyeyê Yaşar Guler, Serfermandarê Hêzên Bejahiyê Musa Avsever, Serfermandarê Hêzên Derya Adnan Ozbal û Serfermandarê Hêzên Hewayî Hasan Kuçukakyuz îro hatin Şirnexê.&nbsp;

	&nbsp;

	LI SÎNOR LÊKOLÎN KIRIN

	&nbsp;

	Akar û fermandarên pê re ku Waliyê Şirnexê Alî Hamza Pehlîvan li Balafirgeha Şerafettîn Elçî pêşwazî kirin, li yekîneyên li ser sînorê Herêma Kurdistanê lêkolîn kirin.&nbsp;

	&nbsp;

	BI FERMANDARÊN YEKÎNEYAN RE CIVÎN LI DAR XISTIN

	&nbsp;

	Akar û fermandarên pê re ku piştî lêkolînan derbasî 23’yemîn Fermandariya Tumen a Piyade bûn, bi fermandarên yekîneyên operasyonê yên li Herêma Kurdistanê re civîn li dar xistin.&nbsp;

	&nbsp;

	&nbsp;