
Nameya ji Taha Akyol re hat nivîsin ‘bifikar’ hat dîtin 

2018-02-22 10:52:26


	ENQERE – Hevşaredarê Xîzanê Îhsan Ugur ê girtî têkildarî cilên yek tîp ji rojnameger Taha Akyol re name nivîsand. Name “bifikar” hat dîtin û lêpirsîn dan destpêkirin.&nbsp;

	Hevşaredarê navçeya Xîzana Bedlîsê Îhsan Ugur yê li Girtîgeha Tîpa D a Amedê girtî ye, têkildarî pêkanîna cilên yek tîp ji rojnameger Taha Akyol re name nivîsand. Rêveberiya girtîgehê dest danî ser nameye. Ugur ê ji 21’ê kanûna 2016’an vir ve girtî ye bi boneya îfadeyên di nameyê de lêpirsîn lê hat vekirin.&nbsp;

	&nbsp;

	Rêveberiya girtîgehê gotinên di nameya Ugur a ku têkildarî banga hestiyariyê li sazî û dezgehan kiriye nivîsandiye “bifikar” dît û nameyê sewqî lîjneya dîsîplînê kir.&nbsp;

	&nbsp;

	DESTÛRA 'SEHER' JÎ NEDABÛN&nbsp;

	&nbsp;

	Ugur di 2’ê cotmeha 2017’an de dema ji Girtîgeha Xarpêtê sewqî Girtîgeha Amedê hat kirin, pirtûka “Seher” a Selahattîn Demîrtaş li gel xwe biribû. Rêveberiya girtîgehê ji pirtûkê re gotibû “Ne pirtûka dersê ye. Dibe ku rê li ber agahiya bêkontrol û şîfreyê vebike” û destûr nedabûn pirtûk derbas bibe.&nbsp;