
Hevseroka Malên Gel Aktaş binçav kirin

2018-02-22 09:46:58


	ENQERE – Polîsan serê sibê li Enqereyê bi ser gelek malan de girt û Hevseroka Malên Gel Dilşat Aktaş jî di navde gelek kes binçav kirin.&nbsp;

	Polîsan serê sibê li Enqereyê bi ser gelek malan de girt. Polisan di operasyonê de Hevseroka Giştî ya Malên Gel a di kongreya 29'ê Çile de hat hilbijartin Dilşad Aktaş, Endamên Malên Gel Alî Îmam Aydogan, Gulşah Ozturk, Sedat Çakmak, Furkan Bircan, Necla Duran, Durak Soyaslan û endamê Kolektifa Xwendekaran Tankut Serttaş û Meziyet Yıldiz jî di navde gelek kes binçavkirin. Parêzerê Malên Gel Denîz Ozbîlgî, li ser hesabê xwe yê Twitterê daxuyanî da û got: “Ez ji bo danişîn û ziyareta girtîgehan hatim Antalyayê. Ez fêr bûm ku der barê min de biryara girtinê heye û li mala min û malbata min lêgerîn kirine. Ez di rêde me û vedigerim Enqereyê. Ger ku hewce be em bi daraza rayeya taybet a Tirkiyeya nû re rûqalî hev bên em dê bên ne pirsgirêk e. Bi xatirê we."

	&nbsp;

	Hat fêrbûn ku di destê polîsan de lîsteya binçavkirina 17 kesan heye.&nbsp;

	&nbsp;

	Piştî endamên Lijneya Rêveber a Navendî ya Malên Gel Kutay Meriç û Akademîsyenê Aştiyê Serdar Başçetin hatin girtin, endamên Malên Gel li Enqere û gelek bajarêndin li kolanan çalakî li dar xistibûn û girtin şermezar kiribûn.&nbsp;

	&nbsp;

	LI ANTALYA 10 ENDAMÊN MALÊN GEL HATIN BINÇAVKIRIN

	&nbsp;

	Li aliyê din di 20'ê Sibatê de li Antalya jî polisan bi ser malên endam û rêveberên Malên Gel de girtibûn û 10 endamên Malên Gel binçavkiribûn. Li bendê ye ku sibê wan sewqî dozgeriyê bikin.&nbsp;