
Dozger nizane qedexe ye lê sûc nîşan da

2018-02-17 12:23:23


	MÊRSÎN – Di îdianameya der barê Gerînendeya Weşana Giştî ya Radyo Sesê Semra Ozlu û hevkarê radyoyê Ferhat Orhan de, ji bo pirtûkên Îsmaîl Beşîkçî û Nûrî Dersimî gotin "fealiyetên rêxistinî ne" û sûc hesibandin. Lê dozger got "Di lêgerîna li ser înternetê de nehat hînbûn ka pirtûkên navborî qedexe ne yan ne." &nbsp;

	Îdianameya der barê Gerînendeya Weşana Giştî ya Radyoya Sesê (ku li Mêrsînê weşana xwe dikir û bi KHK'ê hat girtin) Semra Ozlu ku di di 8'ê Çileyê de hatibû binçavkirin û paşê hatibûn berdan û hevkarê radyoyê Ferhat Orhan ku derheqê wî de biryara girtinê hatiye dayîn de temam bû. Serdozgeriya Komarê ya Mêrsînê îdianame li ser îdiaya "propagandaya rêxistinê" amade kiriye. Dadgeha Cezayê Giran a 9'emîn a Mêrsînê îdianame qebûl kir.

	&nbsp;

	Wê danişîna ewil &nbsp;a dozê di 17'ê Gulanê de pêk bê.&nbsp;

	&nbsp;

	PIRTÛKÊN ÎSMAÎL BEŞÎKÇÎ SÛC HATIN HESIBANDIN&nbsp;

	&nbsp;

	Pirtûka Mehmet Nûrî Dersimî ya &nbsp;“Kürdistan Tarihinde Dersim” (Di Dîroka Kurdistanê de Dersim) û pirtûkên nivîskar û civaknas Îsmaîl Beşîkçî yên bi navê “Başkaldırının koşulları”, “Bir Aydın, Bir Örgüt ve Kürt Sorunu”, “Ortadoğu’da Devlet Terörü” û “Kürt Aydını Üzerine Düşünceler” ku li radyoyê hatin desteserkirin di îdianmeyê de sûc hatin hesibandin û wek "fealiyetên rêxistinî" hatin wesifandin. Dozgeriyê ji bo pirtûk wek sûc bên hesibandin, darizandina Beşîkçî ya di dema 12'ê Adara 1971'm de wek hincet nîşan da.&nbsp;

	&nbsp;

	NÛÇEYA BINÇAVKIRINÊ JÎ SÛC E!&nbsp;

	&nbsp;

	Her wiha di îdianmeyê de nûçeyên der barê binçavkirina Gerînendeya Weşana Giştî Semra Ozluyê de jî sûc hatin hesibandin.&nbsp;