
Li Edenê û Îskenderûnê salvegera HDP’ê hat pîrozkirin  

2021-10-16 16:40:08


	&nbsp;

	EDENE - Li Edenê û Îskenderûnê, 9'emîn salvegera avakirina HDP’ê hat pîrozkirin.

	&nbsp;

	Rêxistina Partiya Demokratîk a Gelan (HDP) ya Edenê, li avahiya xwe, salvegera avakirina partiya xwe pîroz kir. Parlamentera HDP’ê ya Edenê Tulay Hatîmogûllari, nûnerên HDK, Partiya Çep a Keskan, ÎHD, SYKP, Dayikên Aştiyê û gelek kes beşdarî pîrozbahiyê bûn. Di pîrozbahiyê de sînevîzyona derbarê xebatên HDP’ê de hatibû amadekirin, hat pêşandan. Hevserokê HDP’ê yê Edenê Mehmet Karakiş, di pîrozbahiyê de axivî û got: “HDP li Tirkiyê û Rojhilata Navîn bûye hêvî. Bi deklerasyona ku me weşand, em ê ji niha û pê ve xwe bigihînin her civakê û bikevin nava hewldanên mezin. HDP partiya ked û baweriyê ye. Ji ber vê yekê tu hêz nikare HDP’ê têk bibe.

	&nbsp;

	Hatîmogullari jî, dest nîşan kir ku HDP partiya Kurdan, gelan, jinan, Elewiyan, bindestan û ciwana ne. Hatîmgullarî, da zanîn ku HDP bingeha xwe ne ji 9 salan, ji têkoşîna sed salan digire û wiha got: “HDP gele, wê kes nekare bigire.”

	&nbsp;

	Pîrozbahî bi firandina nepoxan bi dawî bû.&nbsp;

	&nbsp;

	HATAY

	&nbsp;

	Rêxistina HDP’ê ya Îskenderûnê jî, bi heman armancê li avahiya xwe pîrozbahî li dar xist. Gelek kes beşdarî pîrozbahiyên bûn. Piştî pêşandanan sînevîzyonê, paste hat birîn û pîrozbahî dûre bi dawî bû.&nbsp;

	&nbsp;

	&nbsp;