
'Bila girtiyê nexweş ê ji sedî 70 astengdar bê berdan' 

2021-10-16 15:24:50


	&nbsp;

	ÎZMÎR - Şaxa ÎHD'ê ya Îzmîrê, diyar kir ku rapora ji sedî 70 astengdariyê ya girtiyê nexweş Eser Morsumbul heye û daxwaza berdana wî kir.&nbsp;

	&nbsp;

	Komîsyona Girtîgehan a Şaxa Komeleya Mafên Mirovan (ÎHD) a Îzmîrê, der barê rewşa tenduristiyê ya girtiyê nexweş Eser Morsumbul ku li Girtî ya Şakranê ya Îzmîrê girtî ye de li ber Sumerbanka Kevn a li navçeya Konakê daxuyanî da. Rêveberê ÎHD'ê yê Îzmîrê Ahmet Çîçek, diyar kir ku beriya bê girtin ji ber neqla gurçikan û windakirina hêzê ji sedî 70 rapora astengdariyê ya Morsumbul hebûye.&nbsp;

	&nbsp;

	'RAPORA JI SEDÎ 70 HAT ASTENGKIRIN'

	&nbsp;

	Çîçek, da zanîn ku Morsumbul di sala 2017'an de hatiye girtin û diyar kir li gorî ragihandinên dayika wî Morsumbul di 12 saliya xwe de ji bo tumora mêjî emeliyat bûye, piştre tedawiya kemoterapî û radyasyonê dîtiye, piştre dest bi tedawiya dermanan kiriye û ji ber dermanên wî jê re giran hatiye dev ji wan berdaye. Tedawiya gurçikê ji ber zirara ku di gurçikan de çêbûye dest pê kiriye û di Tebaxa 2016'an de ji ber ku têr nekiriye neqla gurçikê jê re hatiye kirin. Piştî 6 mehan berî ku bi temamî baş bibe hat binçavkirin û girtin. Beriya bê girtin, ji ber transplantasyona gurçikê û windakirina hêza pêşketinê rapora astengdariyê ya ji sedî 70 hebû. Dema hat girtin, dayika wî hem li ser nexweşiyên Eser hem jî rapora wî da rayedarên pêwendîdar.”

	&nbsp;

	&nbsp;BANGA BERDANÊ

	&nbsp;

	Çîçek da zanîn ku nexweşiyên Morsumbul ji ber ku nayên dermankirin û di pêvajoya pandemiyê de nehatiye kontrolkirin nexweşiyên nû lê peyda bûne û ev bang kir: "Divê Eser Morsumbul tavilê bibin ATK'ê û bê tahliyekirin, ji ber ku hawirdora girtîgehê nexweşiyan kûrtir dike û dibe sedema nexweşiyên din, serlêdana taloqkirina înfazê hatiye kirin û hebûna rapora astengdariyê heye."

	&nbsp;

	&nbsp;

	&nbsp;