
Dozger xwest ku Dr. Gokalp were cezakirin  

2021-10-15 13:14:02


	&nbsp;

	AMED - Dozger derbarê endamê TTB’ê Dr. Şeyhmus Gokalp de bi îdiaya “endamê rêxistinê ye” ceza xwest.&nbsp;

	&nbsp;

	Endamê Desteya Rûmeta Bilind a Yekîtiya Tabîbên Tirk (TTB) Dr. Şeyhmus Gokalp li ser îfadeyên Hîcran Berna Ayverdî ya li xwe mikûr hatiye bi îdiaya “endamê rêxistinê ye” tê darizandin. Rûniştina sêyemîn a doza Gokalp li 10’emîn Dadgeha Cezayê Giran a Amedê hat lidarxistin. Gokalp bi daxwaza cezayê 15 salan ê girtîgehê tê darizandin. Dr. Gokalp, gelek parêzer û bijîşk û siyasetmedar beşdarî danişînê bûn.&nbsp;

	&nbsp;

	Di dozê de hat dîtin ku dozger bêyî ku cibe li xwe bike li cihê xwe rûnişt. Danişînê bi tespîta nasnameyan dest pê kir. Dozger mutalaya xwe amade kir û pêşkêşî dadgehê kir. Dozger îdia kir ku dixtor Gokalp di çarçoveya xebatên KCD’ê de xebitî ye û xwest bi îdiaya “endamê rêxistinê ye” were cezakirin û qedexeya wî derketina derveyî welat berdewam bike.&nbsp;

	&nbsp;

	DOZ HAT TALOQKIRIN&nbsp;

	&nbsp;

	Parêzerên Gokalp ji bo dikaribin li dijî mutalayê parastina xwe bikin, dem xwestin. Serokê dadgehê daxwaza parêzeran a demê qebûl kir û danişînê taloqî 19’ê mijdarê kir.&nbsp;

	&nbsp;

	DÊ DARIZANDINÊ JI NÊZ VE BIŞOPÎNIN&nbsp;

	&nbsp;

	Danişînê pir kurt dom kir û pişt re şandeya bijîşk, parêzer û siyasetmedaran û Dr. Gokalp li ber avahiya Edliyeya Amedê daxuyanî dan çapemeniyê. Di axaftinan de hat destnîşankirin ku ew pêvajoya darizandina Gokalp ji nêz ve dişopînin û ew ê di 19’ê mijdarê de dîsa li gel hevalê xwe Şeyhmus Gokalp bin.&nbsp;

	&nbsp;

	&nbsp;