
Derbarê bersûcê Komkujiya Vartinisê de biryara girtinê hat dayîn  

2021-09-21 12:18:20


	&nbsp;

	ENQERE - Di doza Komkujiya Vartinisê de derbarê Fermandarê Alaya Cendirmeyan ê wê demê Bulent Karaoglu de biryara girtinê hat derxistin.&nbsp;

	&nbsp;

	Li bajaroka Vartinis a bi ser navçeya Korkûta Mûşê ve di 3’ê cotmeha sala 1993’yan eskeran bi ser gund de girtibû û malên gund gulebaran kiribûn. Di êrişê de ji heman malbatê 7 jê zarok 9 kesan jiyana xwe ji dest dabû. Derbarê vê komkujiyê de doz hat vekirin. Doz wek Doza Komkujiya Vartinisê tê nasîn. Danişîna dozê li 1’emîn Dadgeha Cezayê Giran a Kirikkaleyê hat lidarxistin. Piştî ku dadgeha bilind dosyeyê xera kiribû ku biryara ji nûve dadgehkirina dozê dabû û danişîna ewil a dozê hat lidarxistin. Fermandarê Alaya Cendirmeyan ê Navçeyê Bulent Karaoglû yê wê demê di dozê de wek bersûc hat darizandin.&nbsp;

	&nbsp;

	Parêzerên malbatê Kadîr Karaçelik, Fuat Ozgul, Serokê Baroya Şirnexê Rojhat Dilsiz, Serokê Baroya Rihayê Welat Îzol, xizmên malbata qurbanî di danişînê de amade bûn. Bersûc Bulent Karaoglu hêcet nîşan da û beşdarî danişînê nebû. Parêzera wî Emîne Delîhasanoglu beşdar bû.&nbsp;

	&nbsp;

	Ferdên malbata qurbanî kubeşdarî danişînê bûn xwestin bersûc were cezakirin.&nbsp;

	&nbsp;

	Parêzerên malbatê jî parastinê kirin û xwestin bersûc were girtinê. Parêzeran da zanîn ku divê delîlên komkujiyê neyên reşkirin û lazim e doz bi demboriyê re rûbirû nemîne.&nbsp;

	&nbsp;

	BIRYARA GIRTINÊ&nbsp;

	&nbsp;

	Piştî parastina parêzeran şandeya dadgehê biryara xwe eşkere kir û derbarê bersûc Karaoglu de biryara girtinê derxist. Şandeyê danişînek din taloqî 4’ê mijdarê kir.&nbsp;

	&nbsp;