
Bi hinceta stranên kurdî tê guhdarkirin deriyê qehwexaneyê mohr kirin 

2018-02-06 13:49:59


	ERZIROM – Li Qereçobanê ji ber li kehwexaneyekê stranên kurdî lê dihatin guharkirin bi hinceta “Hevgirtina welatê dewletê û gel nayê parçekirin, fîlm û vîdeoya zerarê dide pergala makezagon û ewlehiya giştî” hat mohrkirin.&nbsp;

	Li navçeya Qereçobanê ya Erziromê qehwexaneya &nbsp;Hîndîstan Beyazduman, bi hincetên “Stranên kurdî dide guhdarkirin” û “Kurdî tê axaftinê” ji bo 10 rojan hat mohrkirin. Hat zanîn ku şûna vê qehwexaneyê di hilbijartinên 7’ê Hezîrana 2015’an de wek buroya hilbijartinê ya HDP’ê hatiye bikaranîn û polîsan bê navber bi hinceta “Stranên kurdî li vir tê guhdarkirin” gelek caran bi ser de girtine. Serê sibê polîsên tîmên taybet, polîsên sivîl û zabiteyan bi ser qehwexaneyê de girt. Piştî lêgerîna li qehwexaneyê ji zabiteyên şaredariyê ya qeyûm lê hatibû tayînkirin mohr li derî xistin.&nbsp;

	&nbsp;

	HINCET: HEVGIRTINA WELAT NAYÊ PARÇEKIRIN&nbsp;

	&nbsp;

	Di teblîxata hinceta girtina qehwexaneyê ya radestî xwediyê wê Beyazduman kirin ev tişt hat gotin: “Li gorî xala 8-D a qanûna hejmara 2559’an, hevgirtina welatê dewletê û gel nayê parçekirin, pêşandana fîlm û vîdeoya zerarê dide pergala makezagon û ewlehiya giştî.”

	&nbsp;

	‘OPERASYONÊ LI DIJÎ ÇAY Û ÇAYDANK PÊK ANÎN’&nbsp;

	&nbsp;

	Beyazduman diyar kir ku berê jî polîsan bi ser qehwexaneya wî de digirt û got: “Di hilbijartinan de min şûna qehwexaneya xwe wek buroyê da HDP’ê. Ji wê rojê şûn vê zextan dest pê kir. Polîs, zabite û tîmên taybet serê sibê hatin dikanê û tenê li gel wan helîkoptêr tune bû. Li navçeyê kî hebû û çi hebû anîn bûn ber qehwexaneyê. Li qehwexaneya min esrar an jî çek tune bûn. Tenê çaydank û çay hebû. Wekî din dê çi hebe. Yanî operasyon li hember çaydank û çayê pêk anîn.”&nbsp;

	&nbsp;

	'DIXWAZIN ZIMANÊ ME QEDEXE BIKIN’&nbsp;

	&nbsp;

	Beyazduman bertek nîşanî hinceta mohrkirina kargeha xwe da û wiha axivî: “Di her serdegirtinê de digotin ‘Çima li vir stranên kurdî tê guhdarkirin? Çima herî zêde li vir bi kurdî tê axaftin. Başe di axaftina kurdî de çi heye. Bi kurdî axaftin û stran guhdarkirin ne qedexe ye. Li her deverê tê axaftin û guhdarkirin. Bi vî awayî dixwazin li her deverê zimanê me qedexe bikin. Bêguman em ê bi zimanê xwe zikmakî biaxivin û ev mafê me yê herî xwezayî ye. Tehamulî zimanê me jî nakin. Li gel van zextan jî ez ê wek berê qehwxaneya xwe vebikim.”&nbsp;

	&nbsp;

	Beyazduman da zanîn ku debara xwe bi qehwexaneyê dike û li dijî vê pêkanîna kêfî banga hestiyariyê kir.&nbsp;