
Girtiyan bi saetan kelepçekirî di nezaretxaneyê de radigirin

2018-02-06 11:49:10


	STENBOL – Hat îdiakirin ku ji Girtîgeha Silîvrî Hejmara 9’an dema girtiyan dibin nexweşxaneyê yan jî danişîna bi saetan kelepçekirî li nezaretxaneyan disekinînin.&nbsp;

	Hat diyarkirin li Girtîgeha Silîvrî Hejmara 9’an dema girtiyan dibin nexweşxaneyê yan jî dibin danişînê bi saetan li nezaretxaneyê tên rawestandin.&nbsp;

	&nbsp;

	Hat îdiakirin ku dema girtiyan disekinînin kelepçeyê ji destê wan dernaxin û carnan tevahiya rojê girtiyan bi kelepçekirî di nezaretxaneyan de disekinînin. Hat zanîn ku Nasrullah Kuran û Çetîn Arkaş ên li Girtîgeha Îmraliyê li cem Rêberê PKK’ê Abdullah Ocalan demek man û girtî Servan Kaya jî bi vê pêkanînê re rû bi rû mane.&nbsp;

	&nbsp;

	'EM LI KESÊN DIYAR PÊK TÎNIN’&nbsp;

	&nbsp;

	Girtiyan li dijî vê rewşê îtîraz kir. Lêşkeran ev bersiv da girtiyan: “Me ferman ji jorê girt û em vê pêkanînê li kesên diyar pêk tînin.” Girtiyan ragihand ku vê pêkanîna li ser wan ferz dikin wek îşkenceyê li ser xwe dibînin.&nbsp;

	&nbsp;