
Axaftinên bi malbatê re kirin ‘axaftinên rêxistinî’ 

2018-02-02 13:57:55


	STENBOL – Siyasetmedar Îhsan Çelîk di “Doza Sereke ya KCK’a Stenbolê” de parastin kir û got ku axaftinên wî yên bi malbatê re kiriye wek “axaftinên rêxistinî” di îdianameyê de cih girtine.&nbsp;

	15'emîn danişîna “Doza Serek a KCK’a Stenbolê” ku 205 siyasetmedarên kurd jê tên darizandin li 3’yemîn Dadgeha Cezayê Giran a Stenbolê hat dîtin. Gelek siyasetmedarên ne girtî ne beşdarî danişînê bûn û parêzerên endamên Platforma Hiqûqnasên Azadîxwaz (OHP) amade bûn.&nbsp;

	&nbsp;

	Di serê danişînê de têkildarî ku siyasetmedar û zimanzan Samî Tan parastina xwe kiriye ji dosyeyê belge derxistin. Tan li dijî rewşê îtîraz kir. Tan got ku berê wî parastin nekiriye û tenê tespîta nasnameya wî kirine. Heyeta dadgehê xwest der barê rewşê de lêkolîn bê kirin.&nbsp;

	&nbsp;

	SÛCÊ WÎ TENÊ EW E KU ÇÛYE AKADEMIYA SIYASETÊ&nbsp;

	&nbsp;

	Danişîn bi parastina rêveberê BDP’ê ya berê Îhsan Çelîk dest pê kir.&nbsp;

	&nbsp;

	Çelîk anî ziman ku ew çûye akademiyên siyasetê yên BDP’ê û çûyîna wî ya akademiyan wek sûc nîşan dane. Çelîk Destnîşan kir ku axaftinên di tapeyên telefonan de cih digirin hemû bi hevjîn û zarokên xwe re axiviye û ev axaftin di îdianameyê de wek “axaftinên rêxistinî” cih girtiye. Çelîk diyar kir ku hinceta girtina wî ya 14 mehan tenê ew e ku çûye akademiyên siyasete ya BDP’ê.&nbsp;

	&nbsp;

	Piştî parastina Çelîk, heyetê xwest kêmisiyên dosyeyê bên temamkirin. Piştî navberek kurt heyeta dadgehê doz taloqî 23’ê adarê kir. Siyasetmedarên bersûc diyar kirin ku ew roj dikeve hefteya Newrozê û li ser vê yekê dadgehê doz taloqî 16’ê adarê kir.&nbsp;

	&nbsp;

	&nbsp;