
Yekîtiya Bijîşkên Cîhanê: Bijîşkan demil dest serbest berdin 

2018-01-30 14:14:22


	STENBOL – Serokê Yekîtiya Bijîşkên Cîhanê (WMA) Dr. Yoshîtake Yokokura binçavkirina rêveberên TTB’ê şermezar kir û bang li hikumeta Tirkiyeyê kir û xwest rêveberên TTB’ê demil dest bên berdan.&nbsp;

	&nbsp;

	Rêveberên Yekîtiya Bijîşkên Tirk (TTB) bi boneya li dijî êrîşên ser Efrînê daxuyaniya “Ji şer re na anha aştî” dabûn Serokê Giştî yê AKP’ê û Serokomar Erdogan wan hedef nîşan dabû. Piştî vê hedef nîşandanê rêveberên TTB’ê hatin binçavkirin û li dijî binçavkirinê nerazîbûn zêde dibe.&nbsp;

	&nbsp;

	Serokê Yekîtiya Bijîşkên Cîhanê (WMA) Dr. Yoshîtake Yokokura bi daxuyaniyek nivîskî da û binçavkirina rêveberên TTB’ê şermezar kir.&nbsp;

	&nbsp;

	'EM DAXUYANIYA TTB’Ê DESTEK DIKIN’&nbsp;

	&nbsp;

	Yokokura tehdîdên tundiya fizîkî û giliyê sûc a der barê TTB’ê de şermezar kir û got: “WMA daxuyaniya hevkarên me yên tirk ku li dijî şer dan destek dike. Hişyarkirina hikumetê ya ji bo şer wezîfeya bijîşk û saziyên bijîşkan a navnetewî ye. Ev hişyarkirin polîtîkayek vekirî ya WMA’yê ye.”&nbsp;

	&nbsp;

	'DAWÎ LI ZEXTAN BÎNIN’&nbsp;

	&nbsp;

	Yokokura destnîşan kir ku parastina mafê mirovan û piştgiriya ji bo aştiyê peywîra TTB’ê ye û wiha axivî: “Binçavkirinên dawî û giliyê sûc bi kurahî me xemgîn kiriye û me xistiye nav fikaran. Di 2003’an de Tirkiye Peymana Mafên Siyasî û Sivîl a Navnetewî erê kiriye û di xala 19’emîn de êrîşên li ser azadiya ramanê em tundî şermezar dikin. Em ji rayedarên tirk daxwaz dikin ku bila demil dest rêveberên TTB’ê berde û dawî li polîtîkaya xwe ya çewisandinê bîne. Em bang li hemû rêxistininên bijîşk, tenduristî û saziyan dikin ku li dijî van zextan bêdeng nemînin û bang li wan dikin ku dest bi hewldanên pêwîst bikin.”&nbsp;