
Polîsan di di salekê de bi maşîneyên zirxî 6 jê zarok 21 kes kuştin

2018-01-28 13:20:56


	&nbsp;

	
			NAVENDA NÛÇEYAN - Polîsan bi maşîneyên zirxî di salekê de li bajarê Kurdistanê 6 jê zarok 21 kes kuştin û 30 kes jî birîndar kirin.&nbsp;
	

	&nbsp;

	Polîsan li Şirnexê di mehekê de bi maşîneyên zirxî 4 kes birîndar kirin. Welatiyên ku polîs bi maşîneyên zirxî wan birîndar dike û dikuje her diçe zêde dibin. Polîsan bi taybetî di salekê de li bajarên Kurdistanê 6 jê zarok 21 kes bi maşîneyên zirxî kuştin. 2 jê zarok 30 kes birîndar kirin.&nbsp;

	&nbsp;

	HIQÛQ BÊ WATE MA

	&nbsp;

	Lêpirsînên der barê bûyerên maşîneyên zirxî de hatin destpêkirin, yek jî bi encam nebû. Lêpirsînên ku hatin destpêkirin, dadgehê pêwîstî bi cezakirina polîsan nedîtin û doz belat kirin.

	&nbsp;

	Herî dawî di salekê de ji ber maşîneyên zirxî kesên jiyana xwe ji dest dane wiha ne:

	&nbsp;

	* Di 9’ê Sibata 2017’an de li Kerborana Mêrdînê xwendekara dibistana seretayî Berfîn Dîlek a 7 salî dema ji dibistanê diçû malê, polîsan bi wesayîta zirxî lê xist û ew kuşt.&nbsp;

	&nbsp;

	* Di 15’ê Sibata 2017’an de li Taxa Şabaniye ya Artemêtana Wanê polîsan bi wesayîta zirxî li mînîbusa rêwiyan qeliband. Di mînîbusê de 7 kes birîndar bûn.&nbsp;

	&nbsp;

	* Di 4’ê Adara 2017’an de li noqteya venêrînê ya li ser riya Sêrt-Êlihê polîsan bi wesayîta zirxî Kerem Arslan (34) eciqand û kuştin.&nbsp;

	&nbsp;

	* Di 20’ê Adara 2017’an de maşineya zirxî ya li maşineya sivîl a ji navçeya Hezexê diçû Cizîrê qeliband. Di bûyerê de Okan Înce, Bahadir Beyazlioglû û kesekî navê wî nehat zanîn jiyana xwe ji dest dan.&nbsp;

	&nbsp;&nbsp;

	* Di 29’ê Adara 2017’an de li semta Ofîsê ya Amedê polîsan bi wesayîta zirxî li mînîbusa rêwiyan a li rawestgehê qeliband û 4 kes birîndar kirin.&nbsp;

	&nbsp;&nbsp;

	* Di 18’ê Nîsana 2017’an de li navenda Wanê polîsan bi maşînaya zirxî li du kesan qeliband. Ji van kesan Abdûlvahap Taş bi giranî birîndar bû.&nbsp;

	&nbsp;

	* Di 27’ê Nîsana 2017’an de li Kolana Gevran a Amedê polîsan bi wesayîta zirxî li Hatûn Elhuman a 55 salî qeliband û kuşt.&nbsp;

	&nbsp;

	* Di 28’ê Nîsana 2017’an de li Wanê wesayîta zirxî ya polîsan li du kesan qeliband. Ji van kesan Samî Ûçan li nexweşxaneyê jiyana xwe ji dest da.&nbsp;

	&nbsp;

	* Di 4’ê Gulana 2017’an de li navçeya Silopiya ya Şirnexê polîsan bi wesayîta zirxî li malekê qeliband û di malê de zarokên birayên hev Muhammed û Fûrkan Yildirim ên di xew de kuştin.

	&nbsp;

	* Di 9’ê Hezîrana 2017’an de li ser Kolana Midyadê ya Nisêbîna Mêrdînê wesayîta zirxî ya polîsan li motorsikletekê qeliband. Di bûyerç de zarokê bi navê M.S.B. (17) bi giranî birîndar bû.&nbsp;

	&nbsp;

	* Di 14’ê Hezîrana 2017’an de li navçeya Liceyê ya Amedê wesayîta zirxî ya polîsan li Pakîze Hazar a 85 salî qeliband û Hazar li cihê bûyerê jiyana xwe ji dest da.&nbsp;

	&nbsp;

	* Di 19’ê Hezîrana 2017’an de li ser rêya Çewlig-Amedê wesayîta zirxî ya polîsan li mînîbuseke rêwiyan qeliband. Di bûyerê de ajokarê mînîbusê Remzî Menteşe û zarokekî 8-10 salî yê navê wî nehat zanîn jiyana xwe ji dest da.&nbsp;

	&nbsp;

	* Di 20’ê Hezîrana 2017’an de li navçeya Bêşebab a Şirnexê wesayîta zirxî li wesayîteke ku ji hember dihat qeiliband û di bûyerê de 3 welatî birîndar bûn.&nbsp;

	&nbsp;

	* Di 20’ê Hezîrana 2017’an de li Deşta Fîsê ya Liceya Amedê wesayîta zirxî li wesayîteke sivîl qeliband û di bûyerê de 5 welatî jiyana xwe ji dest dan.&nbsp;

	&nbsp;

	* Di 1’ê Tebaxa 2017’an de li Okmeydaniya Stenbolê wesayîta zirxî li zarokê kobaniyî Raşîd Oso qeliband. Oso jiyana xwe ji dest da.&nbsp;

	&nbsp;

	* Di 19’ê Cotmeha 2017’an de li Taxa Çalê ya Sêrtê wesayîta zirxî li Felek Batûr (6) qeliband û Batûr jiyana xwe ji dest da.&nbsp;

	&nbsp;

	* Di 19’ê Cotmeha 2017’an de li navçeya Xîzan a Bedlîsê wesayîta zirxî li Gultena Yaraşliya 55 salî qeliband. Yaraşli jiyana xwe ji dest da.&nbsp;

	&nbsp;

	* Di 5’ê Mijdara 2017’an de li ser rêya Êlih-Bismilê wesayîta zirxî li wesayîteke sivîl qeliband. Di bûyerê de 3 jê leşker 5 kes birîndar bûn.&nbsp;

	&nbsp;

	*Di 19’ê Mijdara 2017’an li Taxa Saraya Kerborana Mêrdînê wesayîta zirxî li Fatma Nûre Dûrsûn qeliband. Dûrsûn birîndar bû.&nbsp;

	&nbsp;

	* Di 22’yê Mijdara 2017’an de li nêzî Pira Deştê ya Cizîra Şirnexê wesayîta zirxî li Rûken Cansiri ya 8 salî ya dilîst qeliband. Cansiri birîndar bû.

	&nbsp;&nbsp;

	* Di 17 Kanûna 2017'an de polîsan li taxa jêrîn a Hezexê ya Şirnexê bi wesaya sivîl li zarokê 4 salî Umut O. qeliband û ew bi giranî birîndar kir. Umut ji Hezexê sewqî nexweşxaneyek taybet a Êlihê hat kirin û li vir tê dermankirin.&nbsp;

	&nbsp;

	* Di 19'ê kanûna 2017'an de polîsan bi maşîneyê li ser rêya Zanîngeha Dîcleyê û Xaçeriya Seyrantepeyê li zarokekî 5 salî Ferhat Dalkiliç qeliband. Dalkiliç li nexweşxaneya Zanîngeha Dîcleyê jiyana xwe ji dest da.&nbsp;

	&nbsp;

	* Di 19 Kanûna 2017'an de li ser Kolana Gevranê ya Yenîşehira Amedê maşîneya zirxî li maşîneyekê da û ajokarê maşînê birîndar bû.

	&nbsp;

	* Di 22'yê Çileya 2018'an de li ser rêya Cizîr û Silopiya maşîneya zirxî li maşîneya welatiyên sivîl da. Di qezayê de Mehmet Saît û kurên wî Hişyar û Halît Alpkan birîndar bûn. Hêj tedawiya bav Alpkan dewam dike.

	&nbsp;

	* Di 25'ê Çileya 2018'an de li herêma Birca Belek a navçeya Cizîra Şirnexê maşîneya zirxî ya polîsan li zarokê 10 salî S.A. xist û bi giranî birîndar kir.

	&nbsp;

	&nbsp;

	&nbsp;