
Di serdegirtinên malan de herî kêm 20 kes binçavkirin

2018-01-24 14:21:22


	NAVENDA NÛÇEYAN - Polîsan li Edeneyê, Hatay, Şirnex û Meletiyê bi ser gelek malan de girtin û herî kêm 20 kes binçav kirin. &nbsp;

	Li Edeneyê polîsan serê sibê bi ser malan de girtin û 9 kes binçav kirin. Polîsan dest danîn ser bîlgîsayar, telefon, malzemeyên teknîkê û pirtûkan. Polîsan bi hinceta parvekirinên medya civakî yên derbarê Efrînê de 9 kesên binçav kirin piştî kontrola tenduristiyê birin Midûryeta Polîsan a Edeneyê.&nbsp;

	&nbsp;

	LI HATAY’Ê 5 BINÇAV KIRINDA&nbsp;

	&nbsp;

	Polîsan li navçeyên Erzîn û Dortyol ên Hatayê jî di saetên serê sibê bi ser malan e girtin, 5 kesên di navê de rêveberên HDP’ê jî heyî girtin binçavan. Kesên bi hinceta parvekirinên medya civakî hatin binçavkirin birin midûriyat polîsan a navçeyê.

	&nbsp;

	LI MELETIYÊ JÎ SIYASETMEDAR BINÇAV KIRIN

	&nbsp;

	Li navçeyên Yaşîlyurt û Akçadag ên Meletiyê jî serê sibê polîsan bi ser malan de girtin, Hevserokê Komeleya Mafê Mirovan (ÎHD) Meletiyê Mehmet Tuncel, Hevserokê berê yê Partiya Demokratîk a Gelan (HDP) Meletiyê Bulent Karataş, Endamê Lijneya Dîsîplînê ya Rêveberiya Bajêr a HDP’Ê Alî Dagdelen û Delegeyê Kongreya Civaka Demokratîk Bîgul Dagdelen binçav kirin. Siyasetmedar û parêzvanê mafê yên birin Midûryeta Polîsan a Bajêr hinceta binçavkirinên wan nehat zanîn. &nbsp;

	&nbsp;

	BI SER AVAHIYA PARTIYÊN GUNDKÊ MELÊ DE GIRTIN &nbsp;

	&nbsp;

	Li bajaroka Gundkê Melê ya Şirnexê jî leşkeran bi ser avahiyên HDP û DBP’ê de girtin û piştî lêgerînê Hevarokê HDP’a Gundkêmelê Şehmus Sîdar binçav kirin. Di heman demê de Hevserokê DBP’ê yê bajarokê Sadun Sezer ku Qereqola Cendirmeya Mîllî serê sibê gazî wî kirin, binçav kirin. &nbsp;Hevserokên HDP û DBP’ê yên hinceta binçavkirinên wan nehat zanîn li qereqola cendirmeyan tên girtin.

	&nbsp;