
Navê 7 jê zarok 8 kesên li Efrînê hatin kuştin aşkere bûn 

2018-01-21 22:00:45


	&nbsp;

	NAVENDA NÛÇEYAN – Di êrîşa li gundê Cilbirê yê Efrînê ji heman malbatê 7 jê zarok nasnameya 8 kesên di bomberanê de jiyana xwe ji dest dan zelal bû. Derket holê ku malbata ereb 4 meh berê niha ji bajarê Maarat El Numan ê Idlîbê ji ber şer koçî vî gundî kirine.&nbsp;

	&nbsp;

	Balafirên Hêzên Çekdar ên Tirk (TSK) saetên nîvro gundê Cilbirê ya bi ser navçeya Şêrewa Efrînê de bombebaran kiribû. Di bombebaranê de 8 kesên ji heman malbatê jiyana xwe ji dest dabûn. Derket holê ku ev kesên jiyana xwe ji dest dan, ji malbatek ereb a 4 meh berê niha ji şerê Idlibê ji bajarê Maarat El Numan koçî vî gundî kirine. Hat zanîn ku malbat li gundê Cilbirê bi karê mirîşkan dikirin.&nbsp;

	&nbsp;

	Piştî bomberanê dildarên Heyva Sor a Kurd çûn cihê bûyerê û di encama lêgerîna dirêj de gihîştin cenazeyên 6 kesan. Hat zanîn ku xebatên lêgerîna cenazeyê 2 kesan dewam dike. Her wiha hat ragihandin ku 5 kesên birîndar bûne jî, ji bin kavil hatin derxistin û wan li Nexweşxaneya Avrînê ya Efrînê hildan bin dermankirinê.&nbsp;

	&nbsp;

	Nav û temenê yên di bomberanê de jiyana xwe ji dest dan wiha ne: &nbsp;Wael El Huseyn (1), Salameh Huseyn (6), Musab El Huseyn (6), Fatallah El Huseyn (8), Hadeel El Huseyn (10), Refeh El Huseyn El Homer (33).&nbsp;

	&nbsp;

	Nav û temenê cenazeyê 2 zarokên hêj di bin kavil de ne jî wiha ne: Ehmed El Huseyn (17), Samak El Huseyn (16).

	&nbsp;