
Xwendekar: Deriyên hatin kelemçekirin, ji tacîzkaran re hatine vekirin 

2021-02-25 09:04:07


	STENBOL - Xwendekaran diyar kir ku ew qeyûmên dewletê ji zext û zoriyên wan ên fiîlî yên li bajarên kurdan nas dikin û got: "Deriyên hatine kelemçekirin, ji elemanên tacîzker-pedofîlî re hatine vekirin."&nbsp;

	Protestoyên li dijî rektorê qeyûm Melîh Bûlû yê AKP'î ku tayinî Zanîngeha Bogazîçiyê hatiye kirin, didomin. Di van protestoyan de gelek xwendekar û kes hatine binçavkirin û girtin û her wiha îqtdar xwendekaran wekî "terorîst" îlan dike.&nbsp;

	&nbsp;

	ZEXTEKE FIÎLÎ&nbsp;

	&nbsp;

	Endamê Hêzên Şoreşger ên Ciwanna (Dev-Guç) Ûlaş Bûdak, qeyûman wekî "zexta fiîlî ya rûtîn a dewletê" nirxand. Bûdak, destnîşan kir ku ev êrîş li ser piştevaniya xwendekaran e û got: "Qeyûm proje ne. Ji bo pergala çandî ya zanîngehan xera bikin, çekên îqtidarê ne."&nbsp;

	&nbsp;

	Bûdak, bilêv kir ku ew qeyûman gava tayinî şaredariyên HDP'î hatin kirin nas kirine.

	&nbsp;

	Bûdak, anî ziman ku bi kelemçekirina deriyên zanîngehan, tê xwestin ku nêvenga zanistî bê xerakirin û got: "Derî li me xwendekarên bexwedêr girtin, lê ji elemanên tacizkar-pedofîllî, ji nêzîkatiyên antî-zanistî re vedikin."&nbsp;

	&nbsp;

	Bûdak, bilêv kir ku divê piştevaniya li zanîngehan dorfireh bibe û ji bo pergala xweser û demokratîk a zanîngehan îşaret bi têkoşînê kir.&nbsp;

	&nbsp;

	CIVAKÊ NAHESIBÎNIN

	&nbsp;

	Endama Ciwanên Anarşîst Misra Sapan, destnîşan kir ku qeyûm amûr in ku îqtidar ji bo qadên civakî û çandî kontrol bike wan bi kar tîne û got: "Dewlet, bi qeyûman kirdeyên qadên civakî ji nedîtî ve tê. Bi qeyûmên tayinî komele, şaredarî û zanîngehan kiriye, dixwaze van qadan bi dest bixe û bi vî awayî polîtîkaya xwe ya dagirkirinê didome."&nbsp;

	&nbsp;

	TÊKOŞÎNA JI BO PARASTINÊ&nbsp;

	&nbsp;

	Sapan, anî ziman ku li dijî qeyûman ji bo parastina vîna xwe têdikoşin û bi "terorîzekirina" xwendekaran jî dixwaze têkoşînê bitepisîne. Sapan got: "Îqtidara AKP'ê bi pergala perwerdehiyê, dixwaze civakê di warê netewperest û muhafizekar de birêxistin bike û bi vî awayî îqtidara xwe bidomîne. Di vê çaçroveyê de jî dest avêtiye zanîngehan. Dixwaze lêprsînêkirinê, fikira azad tasfiye bike."&nbsp;

	&nbsp;

	Sapan, ji bo têkoşîneke hevpar gazî kir.&nbsp;