
Ji ber erêkirina hevserokatiyê endamên  AKP’î hatin darizandin

2021-02-24 09:54:38


	COLEMÊRG – Endamên Meclisa Şaredariya Colemêrgê yên AKP’î ku ji ber erêkirina hevserokatiyê tên darizandin, îmzeyên xwe yên şil red kirin.&nbsp;

	5’emîn danişîna doza ku li Hevşaredarên berê yên Colemêrgê yên Partiya Herêmên Demokratîk (DBP) Dîlek Hatîpoglû û &nbsp;Nûrûllah Çîftçî û 20 endamên meclisa şaredariyê hatibû vekirin, di 19’ê sibatê de li 3’emîn Dadgeha Cezaya Giran a Colemêrgê hatibû dîtin. Dadgehê, daxwaza demê ya Hevşaredar Hatîpoglû ya ji ber derpkirin û lêgerîna tazî ya dema sewqkirina wê ya ji Girtîgeha Jinan a Sîncanê ya Enqerê ya ji bo Girtîgeha Tîpa T a Wanê, &nbsp;qebûl kir û 6’emîn danişînê taloqî îro kiribû.&nbsp;

	&nbsp;

	3 AKP’Î TÊN DARIZANDIN

	&nbsp;

	Di dozê de hevşaredar Çîtçî bi “zimet” û “qebûlkirina peywira cemaweriyê ya bêusûl” û Hatîpoglû 20 endamên meclisa şaredariyê jî bi “zimmetê” tên sûcdarkirin. Hat hînbûn ku di nav endamên meclisê de endamên AKP’î yên demê H.D. û N.A. û Midurê Nivîsgeha Taybet yê rêveberiya qeyûm a niha Î.O jî hene. Di doznameyê de qebûlkirina hevserokatiyê û dayîna hevserokatiyê ya Çîftçî weke sûc tê nîşandan û tê angaştkirin ku her meh bi mûçeyê ku girtiye bûye sedema xesara cemaweriyê.&nbsp;

	&nbsp;

	BIRYARA XWE ÎNKAR DIKIN

	&nbsp;

	Her sê endamên meclisa şaredariyê yên AKP’î li gel ku qebûl dikin tevlî civîna biryarê bûne û dengê erê dane jî biryara xwe înkar dikin. Balkêş e her sê endaman jî qebûl kirine ku hikmê derbarê wan de piştre bê aşkerakirin.&nbsp;

	MA / Gokhan Altay

	&nbsp;